Atʋloa 95 - Chahta Holisso Holitopa 1886

¹ Intah! Chihowa ha̱ iloh i̱ tʋloashke, il ai okcha̱ya tʋli chito ya̱ iloh i̱ shʋkapashke.

² Yakoke achi hosh itikba iloh onashke; ʋba ishit tʋloa tʋlo̱ho̱wa hosh iloh i̱ shʋkapashke.

³ Chihowa hʋt Chitokaka chinto yoka̱: chitokaka puttah moma ka̱ i̱ shahli Mi̱ko chinto yoke.

⁴ Yakni ahufobi̱ka putta kʋt yʋmma̱ ibbak ak o̱ foiyukka hoke; mikma̱ nʋnih achaha putta kʋt immi hoke.

⁵ Okhʋta hʋt yʋmmak o̱ immi hoke; yohmi kʋt yʋmmak osh ikbi tok okʋt: mikmʋt yakni shila ma̱ ibbak ak osh ikbi tok oke.

⁶ Intah! ayokpʋchit iloh im ʋkahchunnolashke; hʋp ikbi tok Chihowa itikba eho hachukbihlepashke.

⁷ Yʋmmak osh pi̱ Chitokaka yoka̱, mikma̱ pishno ʋto yʋmmʋt ʋpesa̱ha̱chi oklah, micha chukfʋlhpoa ibbak ʋt hʋllʋlli yo̱ pia hoke. Himak nittak a̱ im ʋnnumpa ha̱ hʋsh haklo hokbano!

⁸ Yohmi kʋt Melibah a yʋmohmi tok a̱ chohmit, yakni hayaka Massah aiyasha nittak ʋttok a̱ chohmit hʋchi chu̱kʋsh a̱ hʋchik kʋllocho kashke.

⁹ Yʋmmak o̱ hʋch i̱ki ʋhleha hʋt ai imomaka sʋ pesa tok; ʋm atoksʋli ya̱ pi̱hi̱sa hak inli tuk okak osh, imomaka sʋ pesa tok oke.

¹⁰ Afʋmmih pukolih ushta ho̱ isht ai unchululi ya̱ isht ai ʋm ahchiba tok; yohmi kʋt, “Yʋmmʋt ʋm ata̱ya putta ka̱ ithanʋt ayokpʋchih keyu kak osh, chu̱kʋsh naksika ittʋnnowa okla hoke,” achi li tok oke.

¹¹ Yohmi hokʋt sʋ nukhubela hosh ʋnnumpah kʋllo il onucchit, “Ʋm afoha ya̱ chukkoa he keyu hoke,” achi li tok oke.