Atʋloa 89 - Chahta Holisso Holitopa 1886

Nan ithʋnanchi yo̱ Eslah ai achʋffa Ehlan ʋt ikbi tok.

¹ Chihowa im isht i̱ hullo putta ka̱ ishit tʋlo̱ho̱wa li̱ billia chi̱ hoke; isht ai unchululi ma̱ha̱ya ka̱ nan ish ai a̱hli achukma ya̱ sʋtih ishit hayakʋche la chi̱ hoke.

² “Isht ish i̱ hullo ʋt ʋlhtaha na billia chi̱ hoke; ʋba shutik okʋno nan isht ish ai a̱hli achukma ya̱ kʋllochit ish a hillecha chi̱ hoke,” a̱ha̱chi li hokʋt.

³ “Ʋtokule li ya̱ nan ittim ʋpesa le tuk; a̱ tishuh Lewi a̱ ʋnnumpah kʋllo im il onucchi le tuk oke.

⁴ “Chim ishtatiaka ya̱ kʋllochit binnilechi li̱ billia chi̱ hoke; micha isht ai unchululi ma̱ha̱ya ka̱ chim ai o̱ binili hulittopa ya̱ ikbit hilechi la chi̱ hoke,” ish achi tok oke. [Yukopa.

⁵ Yohmi hatuk o̱ ʋba putta kʋt na̱ chi̱ fehna ya̱ ayokpʋchashke, Chihowa ma; nan isht ish ai a̱hli achukma ma̱ hulittopa ʋhlehah ai ittʋhoba ya̱ oklah ayokpʋchashke.

⁶ Yohmi ka̱ kʋta hosh shutik a̱ha̱tta kʋt Chihowa ha̱ ittʋlhpisa hinlah choh? Kʋta hosh huchitoka ushi ʋhleha ha̱ ai achʋffa yʋt Chihowa ha̱ hoiyulba hinlah choh?

⁷ Chitokaka ilʋppak o̱ hulittopa ʋhleha hʋt ittʋfamʋt chieya im ai itti̱takla ka̱ oklah ai i̱ kumuntah fehna he ʋlhpesa, micha ʋpakfopʋt aiyasha moma ka̱ ai i̱ nukshopa yʋt onuttula he ʋlhpesa yoke.

⁸ Nan u̱ha i̱ Chitokaka Chihowa ma, kʋta hosh Chihowa pʋllʋmmi chia ha̱ chohmih choh? yohmi ka̱ nan isht ish ai a̱hli achukma yʋt chi ʋpakfoiyupa hoke.

⁹ Okhʋta hʋt bʋnʋtba̱ya ka̱ ish im apesa yoke; bʋnʋtha putta kʋt ʋba ma̱ha̱yah kia, chishno ak osh ish yukoblichi yoke.

¹⁰ Chishno ak osh Echip a̱ nʋhlʋt illi ak o̱ chomihchit litolit ish kanchi tok; chish shakba kʋllo ak o̱ chi̱ tʋnʋp ʋhleha ha̱ isht ish ittʋfemimplih chatuk oke.

¹¹ Ʋba yʋt chimmi hoke, yakni mʋt chimmi hak inli hoke; yakni, nan isht ʋluttoa aiena ka̱ chishno ak osh ikbit ish tʋlali tok oke.

¹² Fʋlʋmmih, oka mahli ittʋtu̱klo ka̱ ish ikbi tok oke; Tebo, Hʋmʋn ittʋtu̱klo kʋt chi hohchifo ha̱ isht a yokpa hoke.

¹³ Shakba hlampkoh ilaieshi kʋt chimmi hoke; chibbak ʋt kʋllo hoke, chim ishtimpakimma yʋt chaha hoke.

¹⁴ Ai ʋlhpiesa ʋpesa yʋt chim ai o̱ binili hulittopa a hikkia yoke; isht i̱ hullo micha aia̱hlika yʋt chi tikba ma̱ha̱ya hoke.

¹⁵ Ishit na̱ yokpa ʋnnumpah ithana okla hʋt yokpa hoke; chi nʋsshuka atohwikelika yak o̱ ai ittʋnowa hoke, Chihowa ma.

¹⁶ Chi hohchifo hak o̱ nittak moma ka̱ nan isht yokpa hoke, micha isht chim ai ʋlhpiesa yak o̱ isht a chaha hoke.

¹⁷ Chishno ak osh im isht hlampko ayukli chia hoka̱: yohmi kʋt ish pi̱ kana kak osh pi̱ lʋpish a̱ ish chahʋchi hoke.

¹⁸ Pi̱ telihpa yʋt Chihowa hak o̱ immi hokma̱, pi̱ mi̱ko ʋt Islael i̱ Hulittopa yak o̱ immi hoka̱.

¹⁹ Yohmi ka̱ chi̱ hulittopa ya̱ nan isht ʋhoba yo̱ isht ish im ʋnumpulih mʋt, “Hʋttak kʋllo ya̱ nan isht ʋpelʋchi o̱ bohli le tuk; okla ha̱ ai achʋffa yo̱ ai ʋtokulit chahʋche li tuk oke.

²⁰ “A̱ tishuh Lewi ya̱ ʋhayuche li tuk; a̱ bila hulittopa isht ʋhʋmmiche li tuk oke.

²¹ “Yʋmmak oka̱ sʋbbak ʋt kʋllo hosh ibafoiyukka chi̱ hoke; sʋsh shakba mʋt hlampkocha chi̱ hoke.

²² “Tʋnʋp ʋt haksichit im aiyʋcha he keyuh, mikma̱ nan ik ʋlhpeso yʋmihchi hʋttak ʋt ilbʋsshala he keyuh.

²³ “Mikma̱ itikba ya̱ i̱ tʋnampi ʋhleha ha̱ a litolit kanchi likmʋt, i̱ nukkilli ʋhleha ha̱ issot kanchi la chi̱ hoke.

²⁴ “Micha nan isht ai a̱hli li, nan isht i̱ hullo li ittʋtuklo kʋt ibafoiyukkakma̱, sʋ hohchifoh pulla hatuk mak o̱ lʋpish ʋt chaha hi oke.

²⁵ “Mikma̱ ibbak a̱ okhʋta ha̱ onucchi likmʋt, im ishtimpakimma ya̱ okhina putta ka̱ onucchi la hi oke.

²⁶ “Yʋmmʋt a̱ tahpʋlʋt, ‘A̱ki, a̱ Chitokaka, ʋm ai okcha̱ya tʋli chito aiena chia hoke,’ achikma̱,

²⁷ “Ʋno yak kia ushi ʋttahpi chomihchit, chaha kʋt yakni i̱ mi̱ko putta ka̱ i̱ shahli ho̱ ikbi la chi̱ hoke.

²⁸ “Ʋm isht i̱ hullo ya̱ im ieshi li̱ billia chi̱ hoke, micha nan ittim apesa li ʋt im ai a̱hlit hulittopa chi̱ hoke.

²⁹ “Mikma̱ im ishtatiaka ya̱ kʋllochit hillechi li̱ billiakmʋt, im ai o̱ binili hulittopa ya̱ ʋba nittak ak o̱ chomiehchi la chi̱ hoke.

³⁰ “Ushi ʋhleha hʋt a̱ nan ʋlhpisa ya̱ issa cha, nan ai ʋpehi̱sa li ya̱ ai ittʋnowa he keyu hokma̱,

³¹ “A̱ nan ʋlhpisa putta ka̱ kubʋffi cha, ʋm ʋnnumpah ʋlhpisa putta ka̱ hulittobla he keyu hokma̱,

³² “Yohmi hokmʋno nan ʋlhpisa kubʋffi ka̱ fuli ieshi hosh im a̱ya likmʋt, ʋsshʋchi ka̱ na̱ fʋma ho̱ i̱sht im a̱ya la hi oke.

³³ “Yohmih kia ʋm isht i̱ hullo ya̱ im eshit ʋmmomihchi la he keyuh, micha a̱ nan isht ai a̱hli ya̱ ak im a̱hlecho ka he keyuh:

³⁴ “Nan ittim apesa le tuk ʋt kubʋffi la he keyuh, micha sʋttiʋlbi ʋnnumpah a kohcha tuk a̱ inlʋche la he keyu hoke.

³⁵ “Nan achʋffa ʋm ahulittopa yak o̱ ʋnnumpah kʋllo isht il onucchi le tuk ʋt, Lewi ya̱ i̱ hulabi la he keyu hoke.

³⁶ “Im ishtatiaka yʋt abillia he; mikmʋt sʋ tikba ya̱ im ai o̱ binili hulittopa yʋt hʋshi ak o̱ chiyuhma hi oke.

³⁷ “Hʋsh ninak a̱ya yʋt tʋllaya na billia, micha isht ʋtukkoa kʋt ai a̱hli hosh shutik a tʋkkali kak o̱ chiyuhma hi ak oke,” ish achi tok oke. [Yukopa.

³⁸ Yohmi tok okak osh chishno ʋt ish kanchi cha, ish shittilema tuk; na̱ chim ʋhamʋt ʋlhtoka ya̱ ish i̱ nukhubelah ataiyapa tuk oke.

³⁹ Chi̱ tishu ha̱ nan ish ittim apesa tok ʋt ish kubʋffi tuk oke; im iachuka ha̱ kʋlakshichit akka ish bohli tuk oke.

⁴⁰ I̱ hulihta moma ka̱ ish kinʋffishke; micha im ʋholihta kʋllo putta ka̱ okpʋnit ish kanchishke.

⁴¹ Hina ai ittʋnowa moma kʋt wehpuli hoke; i̱ bili̱ka aiyasha putta ka̱ im a kʋlakshi hoke.

⁴² I̱ tʋnampi ʋhlehah ibbak ishtimpakimma ya̱ ish chahachi cha, i̱ tʋnʋp moma ka̱ ish yukpalechi tuk oke.

⁴³ Micha i̱ bʋshpo fʋlaya hʋluppa ya̱ ish fʋlʋmmichishke; ai ittibi yak kia, ik hikkiyá, chik im ai ahno hak inlishke.

⁴⁴ Im ahulittopa ya̱ ish yukoblichih mʋt, im ai o̱ binili hulittopa ya̱ akka ish pilʋshke.

⁴⁵ Himittʋt a̱ha̱ttah nittak a̱ ish i̱ yushkulolichishke; hufahya yo̱ isht ish ompohomoshke. [Yukopa.

⁴⁶ Hupakih kʋtiohmih fokka ho̱, Chihowa ma, ish ile luhmi na billia hosh, isht chi anukhubela yʋt luak chohmit lua chi̱h choh?

⁴⁷ Chekosih fehnah kʋnia sia ka̱ ish ithaiyanashke; nan ik ʋhobo nanta ha chi̱ ho̱, hʋttak im ʋlla putta ka̱ ish ikbi tok oh choh?

⁴⁸ Hʋttak nanta hosh okcha̱yʋt a̱ha̱ttʋt nan illi ik peso hosh imish shilombish a̱ illi aiasha ibbak a̱ a hlʋkuffichit im esha hinlah choh? [Yukopa.

⁴⁹ A̱ Shahlih ma, ti̱kbah ma̱ ish i̱ hulloh beka tok, nan isht ish ai a̱hlih mak o̱ Lewi ya̱ ʋnnumpah kʋllo isht ish im il onucchi tok mʋto?

⁵⁰ A̱ Shahlih ma, chi̱ tishuh ʋhleha ha̱ nan isht ik ʋhobalo ka̱, oklah lawa hosh ik si ʋhobalo moma ka̱ sʋ chu̱kʋsh isht ieshi li ka̱,

⁵¹ Chi̱ tʋnʋp ʋhleha hʋt ishit sʋ kalʋkshichi ka̱, Chihowa ma, nan ʋhamʋt chim ʋlhtoka a no̱ho̱wa ka̱ ik ʋhobalo ka̱ ish ithaiyanashke.

⁵² Chihowa hʋt hulittopa na billiashke. Amen, ʋnonti Amen.