Atʋloa 87 - Chahta Holisso Holitopa 1886

Hulittoblichit atʋloa Kolah ushi ʋhleha hʋt ikbi tok.

¹ Intolahpi ikbi tok a̱ nʋnih hulittopa putta kak o̱ tʋllaya hoke.

² Chihowa hʋt Saion huliht okhisa putta ka̱ i̱ hulittopa kʋt, Chekob ai ʋtta moma ka̱ i̱ shʋlihchi hoke.

³ Na̱ hulittopah achukma putta kʋt isht a chi ʋnnu̱hu̱pa hoke, Chitokaka i̱ tʋmahah chito ma. [Yukopa.

⁴ Echip micha Babilʋn ʋt sʋthanah mak o̱ ʋnolit, “Yakeh, Filistia micha Taya, Ehliopia aienah, ilʋppa̱ achʋffaiyukali kʋt yʋmmak o̱ ai ʋtta tok oke,” achi la hi oke.

⁵ Micha Saion ak okʋno, “Hʋttak ʋt ittiakayʋt yʋmmak o̱ ai ʋtta tuk oke,” acha hi oke; mikma̱ Chaha i̱ Shahli ʋt ilap ak osh kʋllochit hilecha hi oke.

⁶ Chihowa hʋt oklah putta ka̱ hulissoh fohki kʋt, “Ilʋppʋt yʋmma̱ ai ʋtta tok oke,” achi hosh tʋkalicha hi oke. [Yukopa.

⁷ Tʋlo̱ho̱wa hosh, nan ula̱ha̱chih aiena hosh, “A̱ kʋlih moiyuma kʋt chishno ak o̱ a foiyukka hoke,” oklah acha hi oke.