Atʋloa 84 - Chahta Holisso Holitopa 1886

Tʋloa pehlichi ʋt Kittilh a tʋloa chi̱ ho̱, atʋloa Kolah ushi ʋhleha hʋt ikbi tok.

¹ Ish ai a̱ha̱tta putta kʋt hulittopah achukmah fehnʋshke, nan u̱ha i̱ Chitokaka Chihowa ma.

² Chihowa i̱ wanuta putta ka̱ ʋmish shilombish ʋt i̱ pʋllatakmʋt, im ielli hak inli hoke; sʋ chu̱kʋsh micha sʋ haknip aienah mʋt Chitokaka okcha̱ya ya̱ pit i̱ tahpa̱ha̱lʋshke.

³ Hushi chipinta yʋt chukka ʋhayuchikma̱, chupilhak ʋt ushi a cheli im ʋlhpicchik a̱ ilai ʋhayuchih chatuk a̱ chohmi la chi̱ kʋt, chim alta putta ka̱ pit hoyot chi̱ tahpa̱ha̱la lishke, nan u̱ha i̱ Chitokaka Chihowa, a̱ Mi̱ko micha a̱ Chitokaka ma.

⁴ Chi̱ chukka aiyasha yʋt na̱ yokpa hoke; chi holittoblichih immomashke. [Yukopa.

⁵ Hʋttak kʋna hosh chishno ak o̱ chi a hlampko hosh, imi chu̱kʋsh ʋt Saion ata̱ya ʋlhtahah achukma kʋt anukfoiyukka hokmʋt, na̱ yokpa hoke.

⁶ Okfah a ya̱ha̱ya yo̱ hlupullit a̱ya kʋt, kʋlih a hiohli ikbi hoke; hʋshtulahpi umba yʋt nan isht a yokpa ma̱ isht ompohomo hoke.

⁷ Hlampko kʋt i̱ shahlit ma̱ha̱ya kʋt ilap aiyukali hosh Saion a̱ chukkoʋt Chitokaka itikba ont hieli hoke.

⁸ Chitokaka Chihowa, nan u̱ha i̱ Chitokaka ma, ʋm ʋnnumpah ilbʋssha ya̱ ish haklashke; ish hʋponaklashke, Chekob i̱ Chitokaka ma. [Yukopa.

⁹ Pi̱ telihpa Chitokaka ma, ish pesa cha, nan ʋhamʋt chim ʋlhtoka nʋsshuka ya̱ et ish o̱ hupo̱poyashke.

¹⁰ Nittak achʋffa ho̱ chim ʋboha a̱ha̱tta kʋt achukma kʋt nittak tʋhlepah sipokni kia i̱ shahli hoke; a̱ Chitokaka im ʋboha okhisa hikkia li kak osh nan ik achukmo aiasha a̱ha̱tta ka̱ ʋm i̱ shahli hoke.

¹¹ Chitokaka Chihowa hak osh hʋshi micha telihpa yoka̱: isht i̱ kana micha ahulittopa ya̱ Chihowa hʋt ima hoke; ai ʋpissalit a̱ya ʋhleha ha̱ nan achukma im i̱ hʋlʋlla he keyu hoke.

¹² Nan u̱ha i̱ Chitokaka Chihowa ma, chi anukchieto hʋttak ʋt na̱ yokpa hoke.