Atʋloa 67 - Chahta Holisso Holitopa 1886

Tʋloa pehlichi ʋt ʋhlepa ho̱ isht a tʋloa chi̱, hulittoblichit atʋloa yoke.

¹ Chitokaka yʋt pi̱ nukha̱klot na̱ pi yokpalit nʋsshuka ya̱ pi o̱ tohwikelichashke. [Yukopa.

² Yʋmohmi ho̱ yakni aiyasha kʋt nan ish a kʋnio̱ho̱mi ya̱ ithanakmʋt, oklushi putta kʋt chim ai okcha̱ya ya̱ ithanashke.

³ Oklah putta kʋt chi ayokpʋchashke, Chitokaka ma; oklah putta kʋt a moiyumʋt chi ayokpa̱ha̱chashke.

⁴ Ai ʋlhpesa yo̱ oklah putta ka̱ ish im ʋpesa chi̱ kak o̱, micha oklushi puttah yakni aiyasha ka̱ ish pehliecha chi̱ kak o̱, oklushi putta kʋt na̱ yokpʋt tʋlo̱ho̱washke. [Yukopa.

⁵ Oklah putta kʋt chi ayokpʋchashke, Chitokaka ma; oklah putta kʋt a moiyumʋt chi ayokpa̱ha̱chashke.

⁶ Yakni ʋt i̱ na̱ waya pima tuk oke; Chitokaka, pi̱ Chitokaka yʋt pi yokpali hoke.

⁷ Chitokaka yʋt pi yokpalashke; mikma̱ yakni ont atahaka moma kʋt i̱ nukshopashke.