Atʋloa 64 - Chahta Holisso Holitopa 1886

Tʋloa pehlichi ʋt a tʋloa chi̱ ho̱, atʋloa Lewi ʋt ikbi tok.

¹ Chitokaka ma, nan isht il a mihachi li ʋnnumpa ha̱ ish haklashke; tʋnʋp a̱ i̱ nukshopa ka̱ ʋm ilhfiopak a̱ im ai i̱shit ish hʋllʋllashke.

² Nan ik achukmo yʋmihchi ʋhlehah nan ittibanukfillih, nan ik ai ʋlhpeso toksʋli ʋhlehah ittʋhoba ka̱ i̱ filʋmmichit is sʋ luhmashke.

³ Yʋmmak okʋt isunlʋsh a̱ bʋshpo fʋlaya chomihchit hʋluppʋchi hoke; im uskinʋki ʋt ʋnnumpah humi mak o̱ iti tʋnampo ishit tʋllakchi ya̱ o̱ hilechi hoke.

⁴ Yohmi kʋt ai ʋloma̱ka putta ka̱ ai ʋpissali ya̱ a hu̱ssa chi̱ kak oke; atuk osh nukshopah keyu hosh yakositti̱ta̱kla hu̱ssa hoke.

⁵ Ʋnnumpah ik achukmo ittiba kʋllochi hoke; isht a yuka luhma chi̱ kʋt isht ittim ʋnumpuli hoke; “Kʋta hosh pisa hinlah choh?” oklah achi hoke.

⁶ Nan ik ai ʋlhpeso putta ka̱ hoyot ʋhayuchi hoke; pim ʋlhtahʋshke, nan ʋlhpisa ʋlhtahah achukma hoke, ahnishke; mikma̱ hʋttak im anukfilah, micha chu̱kʋsh aiena kʋt hufobi hoke.

⁷ Yohmih kia yakositti̱ta̱kla Chitokaka yʋt uskinʋki ishit hu̱ssa ka̱, ilap ak osh nʋhlʋshke.

⁸ Yohmi kʋt ilap isunlʋsh ak inli ho̱ isht il onucchi hoke; yohmi na oklah pi̱sa kʋt momʋt nushkoboh fahli hoke.

⁹ Mikma̱ hʋttak moma kʋt nukshopa cha, Chitokaka yak osh yʋmihchi ka̱ ʋnoli cha, i̱ na̱ toksʋli ya̱ achukmʋlit anukfilli hoke.

¹⁰ Ai ʋlhpiesa yʋt Chihowa hak o̱ nan a yokpa cha, ai ʋtukkashke; micha chu̱kʋsh ai ʋpissali moma kʋt isht ilawʋtashke.