Atʋloa 61 - Chahta Holisso Holitopa 1886

Ʋhlepa ho̱ a tʋloa chi̱ ho̱, Lewi ʋt tʋloa pehlichi a̱ im ikbi tok.

¹ Pa̱ha̱ya li ka̱ ish haklashke, Chitokaka ma; ʋm ʋnnumpah ilbʋssha ya̱ ish hʋponaklashke.

² Sʋ chu̱kʋsh ʋt ompoholmo ho̱, yakni ont atahaka ya̱ pit a chi̱ pa̱ya lishke; tʋli chito ʋt chaha kʋt a̱ shahli ka̱ sʋsht ish onashke.

³ A̱ tʋnʋp pulla kak o̱ ʋm ai ʋtukko, a̱ hulihta chaha kʋllo chia hokʋt.

⁴ Chim ʋlhtipo ya̱ ai a̱ha̱tta li̱ billiashke; chis sʋnahchi hushontika ya̱ ai ʋtukko lashke. [Yukopa.

⁵ Ʋnnumpah il ono̱ho̱cchi le tuk a̱, Chitokaka chia hʋt is sʋ ha̱klo tuk okʋt, chi hohchifo ha̱ i̱ nukshopa ʋhleha hʋt ai isha he ʋlhpesa ya̱ is sʋma tuk oke.

⁶ Mi̱ko i̱ nittak a̱ ish fʋlayʋchashke; im afʋmmi hʋt isht ai unchululi ittiakaya kak o̱ chohmashke.

⁷ Chitokaka itikba ya̱ binnili na billiashke; isht i̱ hullo micha ʋnnumpah a̱hli ya̱ ish im apesa na hʋllʋllashke.

⁸ Yʋmohmi ho̱ ʋnnumpah il ono̱ho̱cchi le tuk ʋt nittak osh nittakma̱ yʋmi̱hi̱chi la chi̱ kʋt, chi hohchifo ha̱ nan ulachit ayokpa̱ha̱chi li̱ billia chi̱ hoke.