Atʋloa 57 - Chahta Holisso Holitopa 1886

“Isht ish kanchin náh,” achi, tʋloa pehlichi ʋt isht a tʋloa chi̱ ho̱, atʋloa hulittopa yo̱, Sal a̱ i̱ mʋlelit tʋli chuluk a lumʋt a̱yah mʋt, Lewi ʋt ikbi tok.

¹ Is sa̱ nukha̱klashke, Chitokaka ma, is sa̱ nukha̱klashke; ʋmish shilombish ʋt chishno ak o̱ chi ai ʋtukko hoka̱, micha chis sʋnahchi hushontika yak o̱ ai ʋtukko lih immoma tuk o̱, na̱ pʋllʋmmi putta kʋt ant a̱ya hayashke.

² Chaha i̱ Shahli Chitokaka ya̱, nan ʋm ʋta̱ha̱hli Chitokaka yak o̱ i̱ pa̱ya lashke.

³ Ishit sʋ nanʋblih bʋnna yʋt na̱ sʋ meha hoka̱, chi okchalincha chi̱ kʋt ʋba ya̱ awet pilashke; [Yukopa;] Chitokaka yʋt im isht i̱ hullo micha im aia̱hlika ya̱ awet pilashke.

⁴ Ʋmish shilombish ʋt koi huchito itti̱takla a̱ha̱tta hoke; hʋttak ushi ʋhleha hʋt nuklibeka̱ha̱chih ma̱, in nuti ʋt tʋli hʋluppa micha uskinʋki yo̱ chohmih ma̱, ʋnonti isunlʋsh ʋt bʋshpo fʋlaya hʋluppa chohmih kia im itti̱takla ittoiyula lishke.

⁵ Chahʋt ʋba putta ka̱ ish i̱ shahlashke, Chitokaka ma; chim ahulittopa yʋt yakni moma ka̱ i̱ shahlashke.

⁶ Saiyi ya̱ ishit hukli im ʋtahlih mʋt, ʋmish shilombish a̱ akka ʋteblichi tok oke; sʋ tikba ya̱ hichukbi yo̱ a̱ kulli tuk osh, ilap ak inli hosh pit ittulʋshke. [Yukopa.

⁷ Sʋ chu̱kʋsh ʋt ʋpissalishke, Chitokaka ma, sʋ chu̱kʋsh ʋt ʋpissalishke; tʋloʋt nan ulachit ayokpʋche la chi̱ hoke.

⁸ Nan ishit sʋ holittopa ma, ish okchashke; ʋhlepah micha hap ittʋtuklo kʋt hʋsh okchashke; ik onno ki̱sha ho̱ si okchashke.

⁹ Oklah puttah im ai itti̱takla ya̱ yakoke chim a̱ha̱chi la chi̱ hoke, a̱ Shahlih ma; oklushi puttah im ai itti̱takla ya̱ nan ulachit a chi ayokpa̱ha̱chi la chi̱ hoke.

¹⁰ Isht ish i̱ hullo ʋt chitot ʋba ya̱ onakma̱, chim aia̱hlika yʋt shutik a̱ ont tikeli hoka̱.

¹¹ Chahʋt ʋba putta ka̱ ish i̱ shahlashke, Chitokaka ma; chim ahulittopa yʋt yakni moma ka̱ i̱ shahlashke.