Atʋloa 53 - Chahta Holisso Holitopa 1886

Tʋloa pehlichi ʋt tʋloa hliposhi ishit tʋloa chi̱ ho̱, nan ithʋnanchi atʋloa Lewi ʋt ikbi tok.

¹ Im anukfilah iksho ʋt chu̱kʋsh anu̱ka̱ka ya̱, “Chitokaka yʋt iksho hoke,” achih chatuk oke. Nan ik achukmo yʋmihchikmʋt, nan ik ʋlhpeso isht a hufahya ma̱ yʋmihchi hoke; nan achukma ho̱ yʋmihchi kʋt ikshoshke.

² Kʋnah kia na̱ hupoyuksa yʋmihchit Chitokaka ya̱ ho̱ho̱yo kʋt a̱shakmah, nana ka̱ pisa chi̱ hosh, Chitokaka yʋt ʋba ya̱ binnilit, hʋttak ʋhleha ha̱ et o̱ hopo̱ko̱ho̱yoshke.

³ Moma kʋt i̱ fillʋmmit fʋlama tuk oke; ittʋpi̱hʋt okpulot kʋnniah biekʋshke, nan achukma ho̱ yʋmihchi kʋt ikshoh, achʋffah kia iyikshoshke.

⁴ Nan ik ʋlhpeso yʋmihchi ʋhleha hʋt Chitokaka ya̱ i̱ pa̱yah keyu kʋt, pʋska ʋpa ka̱ chohmi hosh ʋm okla ha̱ ʋpʋt taiyahlih mʋt, oklah nan ik ithanoh choh?

⁵ Chi ʋbenʋchi foni putta ka̱ Chitokaka yʋt fimmi hatuk oka̱, anukshopa yʋt ikshoh kia, yʋmma̱ a nukshopah fehna tuk oke: Chitokaka yʋt kanchi hatuk o̱, hufahya ish onucchi tuk oke.

⁶ Islael ai okcha̱ya yʋt Saion a̱ a kohchʋt im ʋla hokbano! Chitokaka yʋt im oklah yuka yatuk a̱ fʋlamʋt im ala na, Chekob ʋt yokpakmʋt, Islael ʋt na̱ yokpah fehnashke.