Atʋloa 24 - Chahta Holisso Holitopa 1886

Atʋloa Lewi ʋt ikbi tok.

¹ Yakni micha isht ʋluttoa kʋt, yakni micha paknaka ai asha aiena kʋt, Chihowa immi hoke.

² Yʋmmak osh okhʋtah paknaka tʋlali tok, micha oka yʋnʋlli puttah paknaka kʋllochit tʋlali tok okʋt.

³ Kʋta hosh Chihowa i̱ nʋnih oiya hinlah choh? micha kʋta hosh im ahulittopa ya̱ hikkia hinlah choh?

⁴ Ibbak kʋshofa, micha chu̱kʋsh kʋshofa yʋt nan ik ʋhobo ya̱ isht asittiah keyu, micha nana ka̱ haksichi hosh ʋnnumpah kʋllo il onucchi keyu ak a hi oke.

⁵ Chihowa ha̱ nan isht a yokpa im ai isha he, micha ai okcha̱ya Chitokaka ya̱ ai ʋlhpiesa im ai isha hi oke.

⁶ Oklah ilʋppak osh yʋmma̱ hoyo, chi nʋsshuka hoyo oklah, Chekob mak oke. [Yukopa.

⁷ Hʋchi nushkobo hʋsh wʋkelashke, huliht okhisa hʋchiah ma, mikma̱ isht ʋlhkʋma abillia hʋchiah ma, ʋba hʋsh tʋkalashke; mikma̱ Mi̱ko hulittopa yʋt ant chukkoashke.

⁸ Ilʋppʋt kʋta hosh Mi̱ko hulittopa yoh choh? Chihowa kʋllo micha chilita, Chihowa tʋnampih chilita yoke.

⁹ Hʋchi nushkobo hʋsh wʋkelashke, huliht okhisa hʋchiah ma, mikma̱ isht ʋlhkʋma abillia hʋchiah ma, hʋsh wʋkelashke, mikma̱ Mi̱ko hulittopa yʋt ant chukkoashke.

¹⁰ Ilʋppʋt kʋta hosh Mi̱ko hulittopa yoh choh? Nan u̱ha i̱ Chihowa, yʋmmak osh Mi̱ko hulittopa yoke. [Yukopa.