Atʋloa 21 - Chahta Holisso Holitopa 1886

Tʋloa pehlichi ʋt a tʋloa chi̱ ho̱, atʋloa Lewi ʋt ikbi tok.

¹ Chihowa ma, chimi lhamko ha̱ mi̱ko ʋt isht a yokpa hoke, micha chim ai okcha̱ya ya̱ isht a yokpah fehna hoke.

² Chu̱kʋsh nan ai ahni ka̱ ish emakmʋt, ittiʋlbi ʋt hoyo ka̱ chik imi̱ hʋlʋlloh chatuk oka̱. [Yukopa.

³ Nan isht yokpali achukma putta ka̱ i̱shit ish ʋfama hokʋt: tʋli hulisso lakna hulittopa bita ho̱ nushkobo ha̱ isht ish bitelichi hoke.

⁴ Okcha̱ya ya̱ chim ʋsilhhah ma̱, nittak fʋlayah billiʋt billiah mak o̱ ish ema tuk oke.

⁵ Chim ai okcha̱ya pulla ho̱ im ahulittopa yʋt chito hoke; ahulittopa chitoh fehna ka̱ ish onucchi hoke.

⁶ Nan isht a yokpa billia ish ikbi hokʋt: chi tikba ya̱ ishit yokpa yo̱ isht ish yokpali hoke.

⁷ Mi̱ko ʋt Chihowa hak o̱ anukchieto hoka̱, micha Chaha i̱ Shahli im isht i̱ hullo pulla hak o̱ kʋnʋlla he keyu hoke.

⁸ Chibbak ʋt chi̱ tʋnʋp moma ka̱ ʋhayucha he bano hoke; chibbak ishtimpakimma yʋt chi̱ nukkilli putta ka̱ ʋhayucha he bano hoke.

⁹ Chi tikba ya̱ onakma̱, tʋli abila yo̱ chomihchit ish ikbashke; Chihowa hʋt im anukhubela yo̱ ishit musholichashke; mikma̱ luak ʋt hukmit tahlashke.

¹⁰ Im aiunchululi ya̱ yakni ya̱ ai ishit, micha im ishtatiaka ya̱ hʋttak puttah im ai itti̱takla ya̱ ai ishit ish kanchashke.

¹¹ Nan ik achukmo ka̱ chi o̱ weli tuk oka̱: nan ik achukmo isht chi anukfilli tuk kia, nanihma he keyu hoke.

¹² Misha pit ish filimmicha chi̱ hoka̱: nʋsshuka ya̱ chim iti tʋnampo ishit tʋllakchi isht i̱ sʋnalit ish o̱ wela chi̱ hoke.

¹³ Chihowa ma, chimi lhampko ha̱ isht ish chaha na, nan isht chim ai a̱hli ya̱ tʋloʋt nan ulachit isht e hulittobli̱hi̱chashke.