Atʋloa 18 - Chahta Holisso Holitopa 1886

Chihowa hʋt Lewi ya̱ i̱ tʋnʋp momah ibbak, micha Sal ibbak aiena ka̱ imi̱ hlʋkuffichit taiyahlih nittak ma̱, ʋlhtʋloak ilʋppa̱ ʋnnumpah Chihowa ha̱ im ʋnumpulit, tʋloa pehlichi ʋt a tʋloa chi̱ ho̱, Chihowa i̱ tishuh Lewi ʋt ikbi tok. Mihmʋt yak achi tok:

¹ Chi̱ hullo li hoke, ʋm a hlampko Chihowa ma.

² Chihowa hak osh a̱ tʋli chito, micha a̱ hulihta kʋllo, micha sʋ hlakuffichi yoke; a̱ Chitokaka yʋt a̱ tʋli chito, yʋmmak o̱ ai ʋtukko li yoke; a̱ telihpa, micha ʋm ai okcha̱ya lʋpish, ʋm ahlʋkuffi chaha yoke.

³ Hulittopa he ʋlhpesa Chihowa hak o̱ i̱ pa̱ha̱ya likmʋt, a̱ tʋnʋp putta ka̱ im a hlʋko̱ho̱ffi li hoke.

⁴ Nan illih ishit takchi putta kʋt si ʋpakfopah ma̱, hʋttak haksi oka chito chohmi kʋt sʋ nuksho̱ho̱bli tok oke.

⁵ Illi aiasha ishit takchi putta kʋt si ʋpakfoiyupah ma̱, nan illih ishit hukli putta kʋt si ʋffama tok oke.

⁶ Sʋ kummuntah mʋt, Chihowa ha̱ i̱ pa̱ha̱ya lish, a̱ Chitokaka ya̱ i̱ tahpa̱ha̱li lih ma̱, ʋm ʋnnumpa ha̱ im ʋboha hulittopa ya̱ awet ʋm a haiyaklo tok; mihma̱ ʋm ʋnnumpah ilbʋssha yʋt itikba onʋt haksubish a̱ chukkoa tok oke.

⁷ Yohmih ma̱ nukhubela kak o̱, yakni ʋt winakachi cha wʋnni̱hi̱chih ma̱, nʋnih chaha akkishtʋla putta kʋt fayokachi cha winaka̱ha̱chi tok oke.

⁸ Ibihchulu ya̱ shubulli hʋt a kohchʋt ʋba ma̱ha̱yah ma̱, luak ʋt itih a kohcha hosh hukmit tahli tok; tubaksi ʋt a libbi tok oke.

⁹ Mihma̱ shutik a̱ bichulli cha, akkoa tok; mihma̱ iyi nutaka ya̱ hushontih okhlili hosh tʋllaya tok oke.

¹⁰ Micha chelub a̱ o̱ binili cha hikʋt a̱yah mʋt, mahlih sʋnahchi ya̱ o̱ binilit pʋlhki hosh hikʋt a̱ya tok oke.

¹¹ Aiokhlileka ya̱ im aluma yo̱ ikbit, oka aiokhlileka, ʋba hushontih puttah aiena ka̱ i̱ hushontika yo̱ il ʋfolublit tʋlali tok oke.

¹² Itikba tohwikeli kak o̱ i̱ hushontih putta kʋt a̱yah ma̱, hʋta̱ffo micha luak tubaksi yosh a̱sha tok oke.

¹³ Yohmih ma̱ Chihowa hʋt ʋba ya̱ hilohʋchi tok; micha Chaha i̱ Shahli ʋt itih ha̱ ula̱ha̱chih ma̱, hʋta̱ffo micha luak tubaksi aiena kʋt a̱ya tok oke.

¹⁴ Yohmih mʋt im uski nʋki putta ka̱ pela cha, ittʋfimmi tok; micha i̱ hʋsshukmʋlli putta ka̱ ishit hu̱ssah mʋt, kumuntʋchit yulhi tok oke.

¹⁵ Yohmih ma̱ ish im alʋmi kak o̱, Chihowa ma, chibihchulu hʋt fiopʋt mahli kak o̱, oka ata̱ya putta ka̱ pisa tok, yakni ai o̱ tʋlaya putta kʋt hayaka tok oke.

¹⁶ Ʋba ya̱ et wielit, sʋshit, sʋ halʋllit, oka chito ya̱ a sʋ kucchi tok oke.

¹⁷ A̱ tʋnʋp kʋllo kak o̱, micha a̱ nukkilli ʋhleha ha̱ im a sʋ hlakuffichi tok oke; kʋllo kʋt a̱ shahli hatuk oka̱.

¹⁸ Nan ʋm a pʋllʋmmi nittak a̱ oklah si ʋmokʋfa tok; yohmih ma̱ Chihowa hak osh ʋm ai ʋkʋllo yʋttok oke.

¹⁹ Mihmʋt sʋ kucchit ai ʋtta ʋwata ka̱ sʋsht ona tok; si ahninchi hatuk okʋt, sʋ hlakuffichi tok oke.

²⁰ Ai ʋlhpiesa lih pulla kak o̱ Chihowa hʋt si yʋmihchi hoke; sʋbbak ʋt kʋshofah pulla kak o̱ nan isht ʋm ʋtobbi hoke.

²¹ Chihowa im ata̱ya putta ka̱ a̱ya lih mʋt, a̱ Chitokaka ya̱ i̱ filʋmmit ak i̱ sʋnalo ke tuk oka̱.

²² Nanah ai ʋpehi̱sa moma kʋt sʋ tikba aiyashah ma̱, i̱ nan ʋlhpisa putta hokʋno a̱ filʋmmichit naksika bohli la he keyu kak oke.

²³ Micha im ai a̱hli lih bano cha, nanah ik si ai ʋlhpeso ak il ʋhalayacho ke tuk oke.

²⁴ Mihma̱ a si ai ʋlhpesa‐hatuk mak o̱, nishkin itikba ya̱ sʋbbak ʋt kʋsshofa hatuk mak o̱, Chihowa hʋt ʋm ʋtobbi tuk oke.

²⁵ Nan i̱ nukha̱klo ya̱ ish im ile nukha̱klochi hoke; ai ʋpissali ya̱ ish im il ai ʋpissʋlechi hoke.

²⁶ Kʋshofa ya̱ ish im ile kʋshuffi hoke; amba shʋnaya ya̱ ish im i̱ kostini hoke.

²⁷ Chishno ʋt oklah ilbʋssha ya̱ ish okchalinchi yokʋt: amba ile chahʋchi nishkin ʋno ish akkʋmanchi yoke.

²⁸ Chishno ʋt a̱ pʋla ha̱ ish pʋlali yokʋt: ʋm okhlili ka̱ a̱ Chitokaka Chihowa hʋt tohwikelichi yoke.

²⁹ Chishno pulla kak o̱ tʋshka chipota lawa ka̱ o̱ bʋlelit hlupulli la hinla hoka̱: micha a̱ Chitokaka pulla kak o̱ hulihta chaha ya̱ ʋbanʋbli la hinla hoke.

³⁰ Chitokaka yokʋto i̱ hina yʋt ai ʋpissalih bano hoke; Chihowa nanah achi kʋt kʋsshofa yoke; ilap ai ʋtukko moma ka̱ i̱ telihpa yoke.

³¹ Chihowa hak illa ka̱, kʋta hosh Chitokaka yato̱ba̱? micha pi̱ Chitokaka yak illa ka̱, kʋta hosh tʋli chito yato̱ba̱?

³² Hlampkoh ishit sʋskuffʋchechi cha, ata̱ya li ka̱ ai a̱hlichi Chitokaka yak oke.

³³ Saiyi ya̱ issi tek iyi chomihchi cha, ʋm achahaka putta ka̱ sʋ helichi ak oke.

³⁴ Sʋbbak ʋt ittiba chi̱ ka̱ im aba̱ha̱chi na, sʋsh shakba yʋt tʋli lakna iti tʋnampo ya̱ bichulli hoke.

³⁵ Micha chi̱ telihpa ai okcha̱ya ya̱ is sʋma tuk osh, chibbak ishtimpakimma yʋt sʋ hʋllʋlli hoke; mikmʋt i̱ kanʋt ish il akka̱lichi kak osh is sʋ chetuli hoke.

³⁶ Ʋm ano̱ho̱wa nutaka ya̱ is sa̱ pʋthachi na, saiyi im o̱ssak ʋt ik shʋnayo hoke.

³⁷ Yohmi hosh a̱ tʋnʋp ʋhleha ha̱ hliohlit sakki likmʋt, ak tahlo ki̱sha kʋt fʋlama la he keyu hoke.

³⁸ Fʋhamʋt akʋcchi likma̱, tana he keyuh mak osh saiyi nutaka akkakoha hoke.

³⁹ Yohmi ka̱ ittibe la chi̱ ka̱ hlampkoh isht is sʋskuffʋchechi tuk osh, wʋkayʋt a̱ sʋnali ʋhleha ha̱ ʋkahchunolichit is sa̱ nutakʋchi hoke.

⁴⁰ Micha a̱ nukkilli ʋhleha hokʋno musholiche la chi̱ ka̱, a̱ tʋnʋp ʋhleha hokʋno chusshak a̱ is sʋma hoke.

⁴¹ Pa̱ha̱yah kia, okchalinchi ʋt iksho hoke; Chihowa hak o̱ i̱ pa̱ha̱yah kia, ik haiyaklo hoke.

⁴² Mikma̱ bolit lisholit lukfi pushi yosh mahlih itikba a̱sha ka̱ chomihchi li hoke; tʋmahah ai ittʋnowa lukchuk chomihchit hlʋtʋbli li hoke.

⁴³ Oklah ittʋchowa ya̱ ai is sʋ hlakuffichi hoke; oklushi puttah i̱ nushkuboka is sʋ helichi hoke; oklah ak ithaiyano yatuk kia, ʋm antia hoke.

⁴⁴ Haksubish ʋt hakloh mak inli hosh, a̱ nutaka hoke; oklah inla yʋt ʋm ʋkahchunnoli hoke.

⁴⁵ Oklah inla yʋt shimoha ho̱ chohmit wʋnni̱hi̱chi hosh i̱ hulihta kʋllo putta ka̱ et a kuccha hoke.

⁴⁶ Chihowa hʋt okcha̱ya yoke; yohmi kʋt a̱ Tʋli Chito ʋt hulittopashke; mikmʋt ʋm ai okcha̱ya Chitokaka yʋt chahashke.

⁴⁷ Ʋm ilai ukha cha, oklah putta ka̱ a̱ nutakʋchi Chitokaka yoke.

⁴⁸ A̱ tʋnʋp putta ka̱ si a hlʋkuffichi ak oke; wʋkayʋt a̱ sʋnali ʋhleha hak kia ai i̱ mukuffit achahaka sʋsht ish ona hoke; nan ilbʋsshali hʋttak a̱ im is sʋ hlakuffichi hoke.

⁴⁹ Yʋmohmi hoka̱ oklushi puttah im ai itti̱takla ya̱ chi ayokpa̱ha̱chi la chi̱ hoke, Chihowa ma; micha chi hohchifo ha̱ nan ulachit ayokpʋche lashke.

⁵⁰ Mi̱ko ya̱ ʋtokule tuk ʋt hlʋkuffi̱hi̱chi kʋt a chinto cha, nan ʋhamʋt im ʋlhtoka Lewi, micha im ishtatiaka ya̱ i̱ hullo na billia yoke.