Atʋloa 15 - Chahta Holisso Holitopa 1886

Atʋloa Lewi ʋt ikbi tok.

¹ Chihowa mah, kʋta hosh chim ʋlhtipo ya̱ ai a̱tta chi̱h choh? kʋta hosh chi̱ nʋnih hulittopa ya̱ ai a̱ha̱tta chi̱h choh?

² Ai ʋpissalit a̱ya, mikmʋt ai ʋlhpiesa yʋmihchi, micha chu̱kʋsh anu̱ka̱ka ya̱ nan ai a̱hli ʋnumpo̱ho̱li ak a chi̱ hoke.

³ Yʋmmʋt isunlʋsh a̱ inla isht ʋholʋbit no̱ho̱wah keyuh, hʋttak bi̱ka ya̱ nan ik achukmo i̱ yʋmihchih keyuh, micha i̱ chukkapanta hʋttak a̱ isht a hufahya onucchih keyu hoke.

⁴ Hʋttak haksi yokʋno shittilemʋt pi̱hi̱sah; amba Chihowa i̱ nukshopa ʋhleha hokʋno hulittobli hoke. Isht a huttupa hi osh ʋnnumpah kʋllo il onucchi tuk kia, il inlancha he keyu hoke.

⁵ I̱ tʋli hulisso ya̱ chelichih atʋpah keyuh, micha hʋttak ai ʋlhpiesa ya̱ im a sʋnalit nan i̱ kahli ya̱ ishih keyu hoke. Ilʋppa̱ puttah yʋmihchi ʋt ik kʋnʋllo ho̱ billia hi oke.