Atʋloa 149 - Chahta Holisso Holitopa 1886

¹ Chihowa ha̱ hu holittoblichíh. Chihowa ha̱ tʋloah himona hʋsh i̱ tʋloashke, i̱ hulittopa ʋhleha hʋt ittʋnahʋt aiyasha ka̱ ishit huletublichi ya̱ hʋsh a tʋloashke.

² Ikbi tok a̱ Islael ʋt ishit na̱ yokpashke; Saion im ʋlla ʋhleha hʋt i̱ Mi̱ko ya̱ ishit na̱ yokpashke.

³ Hihla hosh hohchifo ha̱ oklah huletublichashke; ʋhlepah micha hap aiena ka̱ oklah ulachit ayokpʋchashke.

⁴ Chihowa hʋt im okla ha̱ ayokpa̱chi yoka̱: chu̱kʋsh akka̱losi ʋhleha ha̱ ai okcha̱ya isht ayuklichi hoke.

⁵ I̱ hulittopa ʋhleha hʋt ahulittopa ya̱ isht a yokpashke; i̱ tupah kahʋt aiyashakmʋt, oklah tʋlo̱ho̱washke.

⁶ Yohmi kʋt Chitokaka ya̱ hulittobli̱hi̱chi kʋt itʋkha foiyukkakmʋt, bʋshpo fʋlaya ittʋhlahla̱ka hʋluppa yʋt ibbak a̱ foiyukkashke.

⁷ Yohmi kʋt oklushi puttah itti̱takla ya̱ ilaiukhʋt, oklah putta ka̱ na̱ pʋlʋmmi ono̱ho̱ccha chi̱ kak ashke.

⁸ I̱ mi̱ko ʋhleha ha̱ tʋli ittʋtakʋli ishit takchi cha, i̱ huchitoka ʋhleha ha̱ tʋli nan isht tʋllakchi ishit takcha chi̱ kak ashke.

⁹ Nan ʋpesʋt huli̱hi̱sso tuk mak o̱ yʋmma̱ putta ka̱ ono̱ho̱ccha chi̱ kak ashke. I̱ hulittopa moma kʋt yʋmmak o̱ isht a hulittopa yoke. Chihowa ha̱ hu holittoblichíh.