Atʋloa 145 - Chahta Holisso Holitopa 1886

Hulittoblichi Lewi ʋt ikbi tok.

¹ A Chitokaka, Mi̱ko ma, chi holittobliche likmʋt, chi hohchifo ha̱ ayokpa̱ha̱chi li̱ billiʋt billia chi̱ hoke.

² Nittak aiyukali ka̱ chi ayokpʋche likmʋt, chi hohchifo ha̱ hulittobli̱hi̱chi li̱ billiʋt billia chi̱ hoke.

³ Chihowa hʋt chinto hoke, micha hulittopah fehna he ʋlhpesa hoke, micha chinto ka̱ kʋna hosh silhhit taiyahla he keyu hoke.

⁴ Isht ai unchululi poiyutta kʋt ittiakaya hosh, nanah ish yʋmi̱hi̱chi putta ka̱ isht ittim ayokpa̱ha̱chikmʋt, na̱ chinto ish yʋmi̱hi̱chi ka̱ ittim ʋno̱ho̱lashke.

⁵ Chim ahulittopa chintoh fehna ka̱, micha nan inlah fehna ish yʋmi̱hi̱chi kʋt ʋnnoa ka̱ anukfillit isht ʋnumpo̱ho̱li lashke.

⁶ Micha ishit nukshopa he ʋlhpesa nan ish yʋmi̱hi̱chi kʋt hlampko ka̱ oklah mi̱hi̱hashke; mikma̱ na huchinto ish yʋmi̱hi̱chi ka̱ ʋnoli lashke.

⁷ Chi achukmah chinto ka̱ isht ithaiyana ya̱ oklah isht ʋnumpo̱ho̱likmʋt, chim ai ʋlhpiesa ya̱ oklah ishit tʋlo̱ho̱washke.

⁸ Chihowa hʋt i̱ kanah, micha i̱ nukha̱klo hosh, nukoa kʋt sʋlaha cha, i̱ hulloh mʋt chinto hoke.

⁹ Moma ka̱ Chihowa hʋt i̱ kanah achukma hoke, micha i̱ nukha̱klo yʋt nan ʋtahli tok moiyuma ka̱ onuttoiyula hoke.

¹⁰ Chihowa ma, nanah ish ikbi tok ʋt momʋt yakoke chim aiyahnikma̱, chi̱ hulittopa ʋhleha hʋt chi ayokpa̱ha̱chashke.

¹¹ Ish apehlichika ahulittopa ya̱ mi̱hi̱hakmʋt, chim isht hlampko ha̱ isht ʋnumpo̱ho̱lashke.

¹² Yʋmohmi hosh nanah yʋmi̱hi̱chi chinto putta ka̱, micha im apehlichika ahulittopa chinto ka̱ hʋttak im ʋlla ʋhleha ha̱ im ottʋninchashke.

¹³ Mi̱kot ish binnili kʋt a billiʋt billia ish a mi̱ko yoke, mikma̱ ish apehlichika yʋt isht ai unchululi ma̱ha̱ya moma ka̱ a tʋkkali hoke.

¹⁴ Chihowa hʋt akkʋmʋt ma̱ha̱ya moma ka̱ hʋla̱lli yoke, ʋkahchunnoli moma ka̱ ʋkahchʋkalichi yoke.

¹⁵ Nanah moma nishkin ʋt pit chi pi̱hi̱sʋt chi anukchieto hoke; mikma̱ ont ai ʋlhpiesakma̱, im ilhpak ish ipi̱hi̱ta yoke.

¹⁶ Yʋmohmi kʋt chibbak a̱ ish wʋkʋmmikmʋt, nan okcha̱ya momah nan ahni ka̱ ish fihobli yoke.

¹⁷ Chihowa hʋt im ata̱ya moma ka̱ ai ʋlhpiesa hoke, mikmʋt i̱ hullo hosh nanah moma ka̱ yʋmihchi hoke.

¹⁸ I̱ pa̱ha̱ya moma ka̱, a̱hli hosh i̱ pa̱ha̱ya moma ka̱, Chihowa hʋt i̱ bili̱ka hoke.

¹⁹ I̱ nukshopa ʋhlehah nan ahni ka̱ yʋmihcha hi oke; mikmʋt oklah i̱ pa̱ha̱yakma̱, haklo cha, okchalincha hi oke.

²⁰ I̱ hullo moiyuma ka̱ Chihowa hʋt hʋllʋlli yoke; amba hʋttak ik ʋlhpeso moma ka̱ ishit kancha hi oke.

²¹ Chihowa hulittoblichi ya̱ sʋtih hʋt ʋnumpo̱ho̱lashke; mikma̱ nanah haknip a̱sha puttah moma kʋt hohchifoh hulittopa ya̱ ayokpa̱ha̱chi na billiʋt billiashke.