Atʋloa 142 - Chahta Holisso Holitopa 1886

Nan ithʋnanchi ʋnnumpah, ʋnnumpah ilbʋssha, tʋli chuluk fo̱kkah mʋt, Lewi ʋt ikbi tok.

¹ Chihowa ha̱ i̱ pa̱ha̱yʋt ʋnumpule lishke, Chihowa ha̱ im asi̱hi̱lhhʋt ʋnumpule lishke.

² Nan isht ʋm akʋniohmi ya̱ itikba yo̱ fuhobli lishke; nan isht si ʋtaklʋma ya̱ itikba ai ʋno̱ho̱li lishke.

³ Ʋmish shilombish ʋt okhlilit kʋnniah kia, chishno ak osh a nowa li ya̱ ish ithanʋshke; ata̱ya a̱ya li ka̱ nan ishit hukli oklah a̱ luhmishke.

⁴ Ʋm ishtimpakimma ya̱ awet hupo̱koyo cha, pisáh; yohmi ka̱ nan ishit si anukfilli kʋt ikshoshke, ai ʋtukko ʋt a̱ kʋniʋshke; ʋmish shilombish a̱ nan isht ahni kʋt ikshoshke.

⁵ Chihowa ma, chishno ak o̱ chi̱ pa̱ya lishke; “Chishno ak osh ʋm ai ʋtukko, ai okcha̱ya yakni ya̱ ʋmmih chia hoke,” achi lishke.

⁶ Sʋ hlepushih fehna hoka̱, pa̱ya li ka̱ is sʋ haiyaklashke; sʋlbʋsshali putta kʋt kʋllo kʋt a̱ shahli hoka̱, is si a hlʋkuffichashke.

⁷ Chi hohchifo ha̱ ayokpʋcha chi̱ ka̱, ʋmish shilombish a̱ ʋboha kʋllo is si a kohchichashke: ʋno ya̱ nanah achukma ho̱ is si ono̱ho̱cchikma̱, ai ʋlhpiesa ʋhleha hʋt na̱ yokpa hosh si ʋpakfoiyupa chi̱ hoke.