Atʋloa 14 - Chahta Holisso Holitopa 1886

Tʋloa pehlichi ʋt a tʋloa chi̱ ho̱, atʋloa Lewi ʋt ikbi tok.

¹ Im anukfilah iksho ʋt chu̱kʋsh anu̱ka̱ka ya̱, “Chitokaka yʋt ikshoh,” achih chatuk oke. Nan ik achukmo yʋmihchikmʋt, nan isht a hufahya he aiena ka̱ yʋmihchih chatuk oke; nan achukma ho̱ yʋmihchi kʋt ikshoshke.

² Kʋnah kia na̱ hopoyuksa yʋmihchit Chitokaka ho̱ho̱yo kʋt a̱shakmah, nana ka̱ pisa chi̱ hosh, Chihowa hʋt ʋba ya̱ binnilit hʋttak ʋhleha ha̱ et o̱ hopo̱ko̱ho̱yoshke.

³ Moma kʋt i̱ fillʋmmi tuk oke; ittʋpi̱hʋt oklah okpulot kʋnniah biekʋshke; nan achukma ho̱ yʋmihchi kʋt ikshoh; achʋffah kia iyikshoshke.

⁴ Nan ik ʋlhpeso yʋmihchi moiyuma kʋt Chihowa ha̱ i̱ pa̱yah keyu kʋt, pʋska ya̱ ʋpa ka̱ chohmi hosh ʋm okla ha̱ ʋpʋt taiyahli kʋt, oklah ik ithanoh choh?

⁵ Yakeh! na̱ nukshopa ka̱ oklah nukshopʋshke; Chitokaka yʋt ai ʋlhpiesa isht ai unchululi ya̱ iba foiyukka hoka̱.

⁶ Ilbʋssha nanah ai anukfilli ya̱ hʋsh hufahyali hoh kia, Chihowa hak osh im ai ʋtukko yoke.

⁷ Ai okcha̱ya yʋt Saion a kohchʋt Islael a̱ im ʋla hokbano! Chihowa hʋt im oklah yuka yatuk a̱ fʋlamʋt im alakma̱, Chekob ʋt yokpakmʋt, Islael ʋt na̱ yokpah fehnashke.