Atʋloa 138 - Chahta Holisso Holitopa 1886

Atʋloa Lewi ʋt ikbi tok.

¹ Sʋ chu̱kʋsh mominchi hosh yakoke isht chim aiyahni la chi̱ hoke; huchitoka itikba ya̱ nan ulachit chi ayokpʋche la chi̱ hoke.

² Nanah ish achi tok ʋt chi hohchifoh moma ka̱ i̱ shʋlihchit ish chitolichi hoka̱, chi̱ tempel hulittopa pila ha̱ pit ayokpʋche la chi̱ hoke; micha isht ish i̱ hullo micha chim ʋnnumpah a̱hli aiena hatuk pullah mak o̱ chi hohchifo ha̱ yakoke isht aiyahni la chi̱ hoke.

³ Yohmi ka̱ chi̱ pa̱ha̱ya lih nittakma̱, is sʋ hakloh chatuk oke; yʋmohmi hosh ʋmish shilombish a̱ na̱ hlampko ho̱ ʋm anukfilah isht is sʋ hlampko̱ho̱chi hoke.

⁴ Chihowa ma, chitih nanah a̱ha̱chi tuk a̱ haklo kak osh, mi̱ko momah yakni aiyasha kʋt chi ayokpʋchashke.

⁵ Micha Chihowa im ahulittopa yʋt chinto ka̱, Chihowa i̱ hina ya̱ oklah a tʋloashke.

⁶ Chihowa hʋt chaha hak inlih kia, akka̱losi ya̱ pi̱sa hoke; amba ilefehnʋchi yʋno hupakih hilechi hosh pit ithana hoke.

⁷ Nan a pʋllʋmmi ai itti̱takla ya̱ a̱ya li hoh kia, is si okchalinchi hokbano! a̱ tʋnʋp ʋhleha hʋt nukhubela hatuk pullah mak o̱, chibbak a̱ ish o̱ wielikma̱, chibbak ishtimpakimma yʋt si okchalinchi hokbano!

⁸ Chihowa hʋt nanah ʋm ʋtahlih achukma chi̱ hoke; Chihowa ma, isht ish i̱ hullo yʋt abillia yokʋt, chibbak ʋt nan ikbi tok a̱ chik kancho kashke.