Atʋloa 136 - Chahta Holisso Holitopa 1886

¹ Chihowa hʋt achukma hoka̱, yakoke hʋsh im achashke; im isht i̱ hullo yʋt abillia yoka̱.

² Chitokaka puttah i̱ Chitokaka ya̱ yakoke hʋsh im achashke; im isht i̱ hullo yʋt abillia yoka̱.

³ Nan i̱ shahli i̱ Shaiyahli ya̱ yakoke hʋsh im achashke; im isht i̱ hullo yʋt abillia yoka̱.

⁴ Ilap bieka hosh na̱ fehna huchito yʋmi̱hi̱chi ya̱ yakoke hʋsh im achashke; im isht i̱ hullo yʋt abillia yoka̱.

⁵ Im punna hosh ʋba ya̱ ikbi tok a̱ yakoke hʋsh im achashke; im isht i̱ hullo yʋt abillia yoka̱.

⁶ Oka paknaka ya̱ yakni tʋlali tok a̱ yakoke hʋsh im achashke; im isht i̱ hullo yʋt abillia yoka̱.

⁷ Na̱ tohwikelichi huchito ikbi kʋt, — im isht i̱ hullo yʋt abillia yoka̱ —

⁸ Nittak a̱ pehliechi ya chi̱ ho̱ hʋshi ya̱, — im isht i̱ hullo yʋt abillia yoka̱ —

⁹ Ninak a̱ pehliechi ya chi̱ ho̱, hʋsh ninak a̱ya, fuchik aiena ka̱ ikbi tok a̱ yakoke hʋsh im achashke; im isht i̱ hullo yʋt abillia yoka̱.

¹⁰ Echip im ʋttahpi putta ka̱ issot kanchi cha, — im isht i̱ hullo yʋt abillia yoka̱ —

¹¹ Islael ʋt im ai itti̱takla aiyasha tuk a̱ ai ishit kohchi kʋt, — im isht i̱ hullo yʋt abillia yoka̱ —

¹² Ibbak kʋllo ho̱, micha shakba ʋba pit ishit wieli hosh ishit kohchi tok a̱ yakoke hʋsh im achashke; im isht i̱ hullo yʋt abillia yoka̱.

¹³ Okhʋtah Humma ya̱ ittʋhokuffit itti̱ filʋmmechi cha, — im isht i̱ hullo yʋt abillia yoka̱ —

¹⁴ Iklʋnna ya̱ Islael a̱ hlupullichechih mʋt, — im isht i̱ hullo yʋt abillia yoka̱ —

¹⁵ Felo micha i̱ tʋshka chipota aiena ka̱ Okhʋtah Humma ya̱ pit okatʋmoli tok a̱ yakoke hʋsh im achashke; im isht i̱ hullo yʋt abillia yoka̱.

¹⁶ Im okla ha̱ yakni hayaka pehlichit a̱ya tok a̱ yakoke hʋsh im achashke; im isht i̱ hullo yʋt abillia yoka̱.

¹⁷ Mi̱ko huchito issot kanchih mʋt, — im isht i̱ hullo yʋt abillia yoka̱ —

¹⁸ Mi̱ko hulittopa putta ka̱ ʋbi kʋt, — im isht i̱ hullo yʋt abillia yoka̱ —

¹⁹ Amolait i̱ mi̱ko Saihon a̱, — im isht i̱ hullo yʋt abillia yoka̱ —

²⁰ Micha Beshan i̱ miko Ok aiena ka̱ ʋbih mʋt, — im isht i̱ hullo yʋt abillia yoka̱ —

²¹ I̱ yakni ya̱ immih mak o̱, — im isht i̱ hullo yʋt abillia yoka̱ —

²² I̱ tishuh Islael ʋt ai ieshi ya chi̱ ho̱ ima tok a̱ yakoke hʋsh im achashke; im isht i̱ hullo yʋt abillia yoka̱.

²³ Ik ʋhobot e ma̱ha̱yah ma̱, yʋmmak osh pithaiyana cha, — im isht i̱ hullo yʋt abillia yoka̱ —

²⁴ Pi̱ tʋnampi ʋhleha ha̱ i̱ mukuffit pishih chatuk a̱ yakoke hʋsh im achashke; im isht i̱ hullo yʋt abillia yoka̱.

²⁵ Hʋttak moma ka̱ ilhpak ipeta hoke; im isht i̱ hullo yʋt abillia yokʋt.

²⁶ Ʋba puttah i̱ Chitokaka ya̱ yakoke hʋsh im achashke; im isht i̱ hullo yʋt abillia yoka̱.