Atʋloa 130 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa yoke.

¹ Ahufobika fehna yo̱ pit a chi̱ pa̱ya lishke, Chihowa ma.

² A̱ Shahlih ma, nanah ʋnumpule li ka̱ ish hʋponaklashke; nanah chim asilhhʋt ʋnumpule li ka̱ chi haksubish ʋt ʋcchukmalit haklashke.

³ Chihowa ma, nan ik ʋlhpeso putta ka̱ ʋcchukmalit ish pisa hokma̱, kʋta hosh hikkia hinlah choh, nan i̱ Shahlih ma?

⁴ Yohmih kia chi̱ nukshopa chi̱ kak o̱, nan ʋsshʋchi i̱ kʋshuffi chia hoke.

⁵ Chihowa ha̱ ho̱ho̱yo li hoke, ʋmish shilombish ʋt ho̱ho̱yoshke, micha im ʋnnumpa ha̱ pit anukchieto li hoke.

⁶ Ʋmish shilombish ʋt nan i̱ Shahli ya̱ pit hoyo kʋt nan ʋtoni ʋhleha hʋt onnahinli ya̱ pit hoyo ka̱, nan ʋtoni ʋhleha hʋt onnahinli ya̱ pit hoyo ka̱ i shalihchishke.

⁷ Islael ma, Chihowa ha̱ pit ish anukchietashke; Chihowa hʋt isht i̱ hullo im a̱sha cha, isht a hlʋkuffi mʋt i̱ lawa hoka̱.

⁸ Micha yʋmmak osh Islael a̱ nan im ai ʋsshʋchi moma ka̱ a hlʋkufficha chi̱ hoke.