Atʋloa 129 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa yoke.

¹ Sʋ hemitta tok takla ka̱ himona̱h sʋlbʋssha̱ha̱lih chatuk oke, Islael ʋt ik achí.

² Sʋ hemitta tok takla ka̱ himona̱h sʋlbʋssha̱ha̱lih chatuk; yohmi hak inlih kia oklah ʋm aiyʋchi tuk keyu hoke.

³ Yakni pʋtʋffi ʋhleha hʋt sʋn nʋli ya̱ pʋtʋffi tuk; pʋtafa ya̱ hofʋlohʋche tuk oke.

⁴ Chihowa hʋt ai ʋlhpiesa yatuk osh hʋttak ik ʋlhpeso ʋhlehah im ishit tʋllakchi ya̱ tʋpto̱ho̱li tuk oke.

⁵ Saion i̱ nukkilli moma kʋt hufahya cha, filemʋt yihlepashke.

⁶ Chukka pakna puttah husshuk aiyasha yosh ik pʋkanlo ki̱sha hosh bʋsshih chatuk,

⁷ Yʋmmak o̱ na̱ waya bʋshli ʋt ibbak a̱ ʋlotulih keyukma̱, sitohli ʋt shakba ya̱ ʋlotulih keyu,

⁸ Micha ant ilhkoli kʋt, “Chihowa im isht yokpali ʋt hʋchim ʋlashke; Chihowa hohchifoh pulla ho̱ e hʋchi ayokpʋchishke,” achi ho̱ keyu kak o̱ chohmashke.