Atʋloa 127 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa he Salomon ʋt ikbi tok.

¹ Chihowa hak osh ʋboha ya̱ ikbih keyu hokʋno, pe pilla ho̱ chukkikbi ʋhleha hʋt a toksʋli hoke: Chihowa hak osh tʋmahah chito ieshih keyu hokʋno, pe pilla ho̱ ʋpesʋchi ʋt o̱kchʋt ʋpesʋchi hoke.

² Pe pilla ho̱ onnahinlih fehna hʋsh tani tuk osh, opyʋt kʋnnia ho̱ hʋsh binnili hosh hoya̱ha̱blit na̱ hʋsh ʋhayuchi tuk pʋska ha̱ha̱shpa hoke. Yʋmohmi ho̱ i̱ hulittopa yʋno na̱ nusih ima hoke.

³ Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

⁴ Himithoah moma ho̱ ushi ʋhleha hʋt uskinʋki ʋt hʋttak tʋnʋp ibbak foiyukkah chatuk ak o̱ chiyuhmi hoke.

⁵ Hʋttak kʋna hosh im uskinʋki ai ʋlbeha ya̱ yʋmmak o̱ isht ʋlotuli tuk ʋt na̱ yokpa hoke: huliht okhisa ya̱ i̱ tʋnʋp ʋhleha ha̱ ai ittim ʋnumpulikmʋt, oklah hufahya he keyu hoke.