Atʋloa 126 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa yoke.

¹ Saion ʋt yuka yatuk a̱ Chihowa hʋt fʋlamʋt im ʋlah ma̱, hʋttak hulhpukunna chiyuhmi hosh il aiyasha tuk oke.

² Yʋmmak fokkah ma̱ pitih hʋt na̱ yokpa isht ʋlotah ma̱, pisunlʋsh ʋt tʋloah fehna tuk oke: yʋmmak fokkah ma̱ oklushi puttah itti̱takla ka̱, “Chihowa hʋt oklah ilʋppa̱ na̱ chinto ka̱ i̱ yʋmi̱hi̱chi tuk oke,” oklah a̱ha̱chi tuk oke.

³ Chihowa hʋt na̱ chinto pi̱ yʋmihchi tuk mak o̱ na̱ pi yokpʋshke.

⁴ Oka mahli oka a yʋnʋlli putta kak o̱ chohmit, pi yoka ka̱ fʋlamʋt ish pim alashke.

⁵ Kʋna hosh nishkin okchi mi̱hinti hosh hokchi tuk ʋt tʋlo̱ho̱wa hosh ʋma hi oke.

⁶ Kohchit fimma chi̱ hosh na̱ nihi shaiyalit nishkin okchi mi̱hinti hosh kohchʋt i̱hi̱ya tuk oh kia, onush sitoha shoiyoli cha, tʋlo̱ho̱wa hosh ʋla hi oke.