Atʋloa 125 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa yoke.

¹ Chihowa anukchieto ʋhleha hʋt Saion nʋnih, yʋmmʋt kʋnʋlla he keyu hosh, amba hikkia na billia yak o̱ chohmi hoke.

² Chelusalem ʋno nʋnih hosh ʋpakfoiyupakma̱, Chihowa hʋt im okla ha̱ ʋpakfoiyupa kʋt himak hikiʋt ia hokʋno abillia hoke.

³ Yohmi hatuk o̱ ai ʋlhpiesa ʋhleha hʋt nan ik ʋlhpeso ya̱ ibbak pit wielit ik onuccho ka chi̱ kak o̱, nan ik ʋlhpeso tʋbi ʋt ai ʋlhpiesa ʋhlehah immi ha̱ onuttoiyula chi̱h keyu hoke.

⁴ Chihowa ma, hʋttak hochukma, micha chu̱kʋsh ʋpissali ʋhlehah aiena ka̱ nan achukma ho̱ ish i̱ yʋmihchashke.

⁵ Amba i̱ hina shʋnayoa pit fulotoa yʋno, nan ik ʋlhpeso yʋmihchi ʋhleha hak o̱ awant ik iá, Chihowa hʋt im ahnashke. Nanah achukma kʋt Islael a̱ onuttoiyulashke.