Atʋloa 122 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa he Lewi ʋt ikbi tok.

¹ “Chihowa im ʋboha kiloh iá,” oklah ʋm a̱ha̱chih ma̱, ibata̱kla sʋ yokpa tuk oke.

² Chi̱ huliht okhisa puttah anu̱kaka ya̱ piyi ʋt hielishke, Chelusalem ma.

³ Tʋmahah chito yosh ittʋkʋllot tuba kak o̱ chohmit tuba Chelusalem chia hak oke.

⁴ Yʋmmak o̱ apehlichi puttah, Chihowa apehlichi putta kʋt Islael nan isht im ʋtukkoli mak osh, Chihowa hohchifo ha̱ yakoke im acha chi̱ hosh ilhkoli hoke.

⁵ Yʋmmak o̱ nan im ai ʋpesʋt ai o̱ binili hulittopa yʋt, Lewi i̱ chukkachʋffa im ai o̱ binili hulittopa yosh hiohma̱ya hoka̱.

⁶ Chelusalem nan isht im ai achukma chi̱ ka̱ hʋsh asilhhashke; chi ahninchi ʋhleha hʋt na̱ nuktʋla ha̱ ieshi hokbano!

⁷ Chi̱ hulihta kʋllo anuka̱ka ya̱ nan isht chim ai achukmakmʋt, chim ʋboha huletupa putta ka̱ a nuktaiyalashke.

⁸ Ittibapishi lih ʋhlehah, itti̱kana lih ʋhlehah aiena kak atuk mak o̱ ʋnumpulit, “Nan isht ai achukma yʋt chiba foiyukkashke,” achi lashke.

⁹ Pi̱ Chitokaka Chihowa im ʋboha pulla hatuk mak o̱, nan isht chim ai achukma hi a̱ ho̱ho̱yo lashke.