Biblia Todo Logo
Bìoball air-loidhne

- Sanasan -

Atʋloa 121 - Chahta Holisso Holitopa 1886


Ʋboha hulittopa ilhkoli hosh a̱yakmʋt a tʋloa he ʋlhtʋloak oke.

1 Nʋnih foka sʋ nishkin a̱ pit ʋbahchʋkaliche lishke. Na̱ si apilachi ʋt kʋtimma yak o̱ a minta hinlah choh?

2 Na̱ si ʋpela yʋto ʋba micha yakni ittʋtuklo ka̱ ikbi tok Chihowa hak o̱ a minti yoke.

3 Chiyi ʋt kʋnʋlla hi a̱ ik ahno kashke; chi apesʋchi ʋt ik nusilhho kashke.

4 Yakeh, Islael ʋpesʋchi ʋt nusilhha he keyukmʋt, nusa he keyu hoke.

5 Chihowa hʋt chi apesʋchi yoke; chim ishtimpakimma ya̱ Chihowa hʋt chi o̱ hushontika yoke.

6 Nittakma̱ hʋshi ʋt, micha ninakma̱ hʋsh ninak a̱ya yʋt chi ai issa he keyu hoke.

7 Nan ik achukmo nanah kia ik chi ʋhalayo ka chi̱ ka̱, Chihowa hʋt chi apesʋchi yoke; chimish shilombish a̱ ʋpesʋchi yoke.

8 Himak ai ʋlhit a billia ka̱, kohchʋt ish i̱hi̱yah, micha ant ish chukko̱ho̱ah aiena ka̱ Chihowa hʋt chi hʋllʋlla chi̱ hoke.

Published by the American Bible Society 1848-1886, reprinted 1913

British & Foreign Bible Society
Lean sinn:



Sanasan