Atʋloa 120 - Chahta Holisso Holitopa 1886

Ʋboha hulittopa ilhkoli hosh a̱ya kʋt a tʋloa yoke.

¹ A̱ ʋpʋlmmi kak osh Chihowa ha̱ i̱ pa̱ya lishke; sʋ hakloh pulla chi̱ hoka̱.

² Chihowa ma, ʋmish shilombish a̱ ittiʋlbi hulabi, isunlʋsh haksichi aiena ka̱ im is sʋ hlakuffichashke.

³ Isunlʋsh na̱ haksichi chiah ma, nanta ho̱ chima hinlah choh? micha nanta ho̱ chi̱ bafohka hinlah choh?

⁴ Hʋttak tʋnʋp im uskinʋki yosh hʋluppa, tubaksi chunipa a tuba ai ittibafoiyukka yak a chi̱ hoke.

⁵ Meshek a̱ ai a̱ha̱tta lih, micha Keta im ʋlhtipo puttah ibatakla a̱ha̱tta lih aiena kak osh, ʋm a pʋllʋmmishke.

⁶ Itti̱ nanaiya i̱ nukkilli ya̱ ʋmish shilombish ʋt takla a̱ha̱tta tuk a̱ hupakit taiyahʋshke.

⁷ Ʋno yokʋto itti̱ nanaiya hi ak o̱ aiyahni li hoke; yohmih kia ʋnumpule likma̱, yʋmmʋto tʋnampih bʋnna hoke.