Atʋloa 116 - Chahta Holisso Holitopa 1886

¹ Chihowa hʋt nan asilhhʋt ʋnumpule li ka̱ ha̱ha̱klo hoka̱, i̱ hullo li hoke.

² Haksubish a̱ awet a̱ wieli hoka̱, a̱ha̱tta lih nittak itti̱ta̱kla kʋt i̱ pa̱ha̱ya la chi̱ hoke.

³ Nan illi ishit tʋllakchi putta kʋt si ʋpakfopah ma̱, illi aiasha ai ʋtikkunofa putta kʋt si ʋhayuchi ho̱, ai ilbʋssha, na̱ nukha̱klo aiena ho̱ pi̱hi̱sa le tuk oke.

⁴ Yohmih mʋt Chihowa hohchifo ha̱ i̱ pa̱yʋt, “Omeh is sʋm ahni cha, Chihowa ma, ʋmish shilombish a̱ ish hlʋkuffichashke,” achi le tuk oke.

⁵ Chihowa hʋt i̱ kana micha ai ʋlhpiesa yoke, micha pi̱ Chitokaka yʋt nan i̱ nukha̱klo yoke.

⁶ Chihowa hʋt ik hupoyukso ya̱ hʋllʋlli yoke; akka̱losi ona lih ma̱, si okchalinchi tuk oke.

⁷ Ʋmish shilombish ma, fʋlamʋt ish a foha ish onashke; Chihowa hʋt achukma ho̱ chi̱ yʋmihchi tuk oka̱.

⁸ Ʋmish shilombish a̱ ai illi ish a hlʋkuffichih mʋt, nishkin okchi a̱ sʋ nishkin ish a hlʋkuffechi cha, ai ittula ya̱ saiyi ish a hlʋkuffichi tuk oka̱.

⁹ Yohmi ho̱ ai okcha̱ya yakni ya̱ Chihowa itikba a no̱ho̱wa li hoke.

¹⁰ Sʋ yimmi hatuk osh, ʋnumpule lishke: “Ʋno ʋt sʋlbʋsshah fehna tok oke”.

¹¹ “Ʋno ʋt sʋ kummuntah mʋt, ‘Hʋttak moma kʋt hulabi yoke,’ achi li tok oke.”

¹² “Nanah achukma ho̱ a̱ yʋmi̱hi̱chi tuk moma ka̱, nanta ho̱ Chihowa ha̱ isht im atobbi la hinlah choh?”

¹³ “Ai okcha̱ya isht ishko ya̱ ʋba weli lish, Chihowa hohchifo ha̱ i̱ pa̱ya la chi̱ hoke.”

¹⁴ “Chihowa ha̱ ʋnnumpah im il ono̱ho̱cchi le tuk ʋt, omeh ish ahni na, im oklah momah itikba ya̱ ai im a̱hliche lashke,” achi lishke.

¹⁵ I̱ hulittopa ʋhlehah illi kʋt Chihowa itikba ya̱ a hulittopa hoke.

¹⁶ Omeh is sʋm ahnashke, Chihowa ma; chi̱ tishuh sia hoka̱: chi̱ tishuh ohoyoh ushi, chi̱ tishuh sia hoke; ishit sʋ tʋllakchi putta ka̱ is sa̱ hutuffi tuk oke.

¹⁷ Yakoke ahnit isht ayokpʋchi isht chi ayokpachi lish, Chihowa hohchifo ha̱ i̱ pa̱ya la chi̱ hoke.

^18-19 Chihowa ha̱ ʋnnumpah im il ono̱ho̱cchi le tuk ʋt, omeh ahni na, im oklah itikba, Chihowa im ʋboha i̱ wanuta putta ka̱, Chelusalem ma, chi anu̱ka̱ka ya̱ ai im ahliche lashke. Chihowa ha̱ hu holittoblichíh.