Atʋloa 114 - Chahta Holisso Holitopa 1886

¹ Islael ʋt Echip a̱ kohchah ma̱, Chekob i̱ chukkachʋffa yʋt oklah bʋlbahʋt ʋnumpuli yo̱ takla ashʋt kohchah ma,

² Chutah ʋt im ai a̱ha̱tta hulittopa tuba tok, Islael ʋt im apehlichika tuba tok oke.

³ Okhʋta hʋt pesa cha i̱ filʋmmi tok o̱, Chatʋn ʋt fʋlamʋt ia tok oke.

⁴ Nʋnih huchito yʋt chukfi nakni yak o̱ chohmi hosh tullih ma̱, nʋnih chipinta yʋt chukfushi yak o̱ chohmi hosh tulli tok oke.

⁵ Nantah chi̱ kʋtiohmi hosh okhʋta hʋt ish i̱ filʋmmi tok o̱, Chatʋn ʋt fʋlamʋt ish iah ma̱,

⁶ Nʋnih huchito yʋt chukfi nakni yak o̱ chohmi hosh hʋsh tullih ma̱, nʋnih chipinta yʋt chukfushi yak o̱ chohmi hosh hʋsh tulli tok oh choh?

^7-8 Yakni ma, nan i̱ Shahli itikba, Chekob i̱ Chitokaka, yʋmmʋt tʋli chito ya̱ inlʋchit oka tʋlaya ikbit, tʋssʋnuk a̱ oka kʋlih hiohli ikbi, itikba ya̱ ish a wʋnni̱hi̱chashke.