Atʋloa 113 - Chahta Holisso Holitopa 1886

¹ Chihowa ha̱ hu holittoblichíh. Hʋsh hulittoblichashke, Chihowa i̱ tishuh ʋhlehah ma, Chihowa hohchifo ha̱ hʋsh hulittoblichashke.

² Himak a̱ ai ʋlhit abillia ona ka̱ Chihowa hohchifo hʋt hulittopashke.

³ Hʋshakohchaka ai ʋlhit hʋshaiokʋttula ona ka̱ Chihowa hohchifo hʋt hulittopa he ʋlhpesa hoke.

⁴ Chihowa hʋt chaha kʋt oklushi moma ka̱ i̱ shahli hoke; im ahulittopa yʋt ʋba putta ka̱ i̱ shahli hoke.

^5-6 Ʋba achaha binnili, yakni ahufobi awet pi̱hi̱sa Chihowa pi̱ Chitokaka ya̱ kʋta hosh chohmih choh?

⁷ Ilbʋssha yʋt lukfi pushi binnili tuk a̱ wʋkayʋchi yoke; nan ik im iksho ʋt yakni niachi lukfi pakna binnili tuk a̱ chahʋchi kʋt,

⁸ Huchitoka ai ibatakla, im oklah ai achʋffa huchitoka ai ibatakla binnilechi hoke.

⁹ Ohoyoh ʋlla ik im iksho yosh chukka a̱ha̱tta tuk a̱, ʋlla ʋhlehah ishki na̱ yokpa ikbit binnilechi yoke. Chihowa ha̱ hu holittoblichíh.