Atʋloa 111 - Chahta Holisso Holitopa 1886

¹ Chihowa ha̱ hu holittoblichíh. Ʋpissali ʋhlehah ai ittʋpehʋt, micha oklah ittʋnaha ya̱ hikkiʋt, chu̱kʋsh mominchit Chihowa ha̱ isht ayokpa̱ha̱chi la chi̱ hoke.

² Chihowa nanah ai ʋtahli tuk putta kʋt chinto hoke; yʋmmak o̱ im ai achukma moma kʋt ho̱ho̱ya he ʋlhpesa hoke.

³ Nan isht a̱ha̱tta kʋt isht a hulittopa chintoh fehna hoke; isht im ai ʋlhpiesa yʋt abillia hoke.

⁴ Nan inlah fehna yʋmi̱hi̱chi tuk a̱ isht ithaiyana ikbi tuk oke; Chihowa hʋt i̱ kana, micha i̱ nukha̱klo yoke.

⁵ I̱ nukshopa ʋhleha ha̱ ilhpak ipetah chatuk oke; nan ittim apesa tok ʋt ithaiyana na billia chi̱ hoke.

⁶ Oklushi puttah i̱ yakni ya̱ isht ima kak osh, nan isht ai a̱ha̱tta tok ai a̱hli ya̱ im okla ha̱ im ottʋninchi tok oke.

⁷ Ibbak nan isht ai a̱ha̱tta yʋt aia̱hlika micha ai ʋlhpesa yoke; i̱ nan ʋlhpisa putta kʋt kʋllo hoke.

⁸ Kʋllot tʋkkali na billiʋt billia hoke; ai a̱hlih micha ai ʋpissali hosh ʋlhtaha hoke.

⁹ Im okla ha̱ ahlʋkuffi et ima tuk oke; nan ittim apesa tok ʋt abillia chi̱ ho̱ ʋpesa tok oke; hohchifo hʋt hulittopah micha i̱ nukshopa he ʋlhpesa hoke.

¹⁰ Hupoyuksʋt isht ia kʋt Chihowa i̱ nukshopa yak oke; yʋmma̱ putta ka̱ yʋmihchi moma kʋt nan ʋkostininchih achukma yoke; Chihowa hulittoblichi ʋt abillia hoke.