Atʋloa 110 - Chahta Holisso Holitopa 1886

Atʋloa Lewi ʋt ikbi tok.

¹ Chihowa hʋt a̱ Shahli ya̱, “Ʋm ishtimpakimma ya̱ ish binnili na, chi̱ tʋnʋp ʋhleha ha̱ chiyi ai o̱ hikia ikbi li hayashke,” achishke.

² Nan isht chim aia̱hli tʋbi ya̱ Saion ak o̱ a kohchit Chihowa hʋt ʋba wela hi oke; chi̱ tʋnʋp ʋhlehah im ai itti̱takla yoka̱ a̱ha̱ttʋt ish a pehliechashke.

³ Tʋnʋp ia chi̱ ittʋhobah nittakmʋt, chim okla hʋt ilap ahni hosh chim il issa hi oke; chu̱kʋsh kʋshofa ishit shema kʋt onnʋt minti a ko̱ho̱ccha tohwikeli ak o̱ chiyuhmi hosh, chi̱ himithoa yʋt fichak chiyuhmit chim aiyasha hi oke.

⁴ Chihowa hʋt ʋnnumpah kʋllo il onucchi tuk ʋt inlʋchit im anukfila he keyu kʋt, “Melkisetek a̱ iakkaya hosh na̱ huletumpa isht ʋtta billia chia hoke,” achishke.

⁵ Nan i̱ Shahli ʋt chim ishtimpakimma hikkia hosh nukhubelah nittakmʋt, mi̱ko putta ka̱ litolit kanchih pulla hi oke.

⁶ Oklah putta ka̱ nan im apesa hi oke; hʋttak illi yo̱ isht ʋlotulit, yakni chito ka̱ nushkobo ha̱ litolit kanchih pulla hi oke.

⁷ Hina takla ya̱ bokushi ya̱ oka ai ishka hi oke; yohmi hatuk osh nushkobo ha̱ ʋkahchʋkalicha hi oke.