Atʋloa 11 - Chahta Holisso Holitopa 1886

Tʋloa pehlichi ʋt a tʋloa chi̱ ho̱, atʋloa Lewi ʋt ikbi tok.

¹ Chihowa hak o̱ ai ʋtukko lishke; kʋtiohmi ho̱ ʋmish shilombish a̱, “Hushi yo̱ chohmit hʋchi̱ nʋnih ha̱ pit oh ʋtamoáh.

² “Yakeh, hʋttak ik ʋlhpeso ʋhleha hʋt iti tʋnampo ya̱ bichulli hoka̱: chu̱kʋsh ai ʋpissali ʋhleha ha̱ aiokhlileka yo̱ a hu̱ssa chi̱ kʋt im uskinʋki ya̱ iti tʋnampo ishit tʋllakchi ya̱ o̱ hilechishke.

³ “Nuta i̱ tola putta kʋt tiapʋt taha hoka̱: yakkohmi kʋno ai ʋlhpiesa yokʋt nanta hak o̱ kʋtiohma hinlah choh?” hʋsh im acha hinlah choh?

⁴ I̱ tempel hulittopa ya̱ Chihowa hʋt a̱ha̱ttʋt, Chihowa im ai o̱ binili hulittopa yʋt ʋba yak oka̱: nishkin ʋt hʋttak im ʋlla putta ka̱ awet pisʋt i̱ holhpunnayo hʋt isht imomaka pisa hoke.

⁵ Chihowa hʋt ai ʋlhpiesa ya̱ ayokpanchi hoke; amba hʋttak ik ʋlhpeso ya̱, micha ilbʋsshali im achukma aiena hokʋno imi chu̱kʋsh ʋt i̱ nukkilli hoke.

⁶ Hʋttak ik ʋlhpeso ʋhleha ha̱ ai isht im ahleka, luak, hittuk lakna, micha mahlih okpulo aiena kʋt im isht ishko isht ai i̱ kʋshapa mak o̱ isht on umbʋchashke.

⁷ Chihowa hʋt ai ʋlhpiesa yokʋt: nan ai ʋlhpiesa yokʋno ahninchi yoke; ai ʋpissali yokʋt nʋsshuka ya̱ pisa hi oke.