Atʋloa 109 - Chahta Holisso Holitopa 1886

Tʋloa pehlichi ʋt a tʋloa chi̱ ho̱, atʋloa Lewi ʋt ikbi tok.

¹ Chitokaka hulittobli̱hi̱chi li ma, kinnet ikshot chik binnilo kashke.

² Hʋttak haksi itih, micha na̱ haksichi itih ho̱ a̱ sʋnalit oklah wʋkʋmmi cha, isunlʋsh hulabi yo̱ isht ʋm a sʋnalit oklah ʋnumpuli hoka̱.

³ Micha nan isht i̱ nukkilli ʋnnumpa ho̱ ishit si ʋpakfoiyopa cha, nanihmih keyu ho̱ sʋttibi hoke.

⁴ I̱ hullo li kak o̱ a̱ tʋnampi oklah tubah ma̱, ʋno yokʋto ʋnnumpah ilbʋssha ʋnumpule li yoke.

⁵ Nan achukma i̱ yʋmi̱hi̱chi li kak o̱, nan ik achukmo ho̱ isht ʋtobbichit si onucchi cha, i̱ hullo li kak o̱ i̱ nukkilli isht ʋtobbichit si onucchi hoke.

⁶ I̱ shahli ya chi̱ ka̱ hʋttak haksi ak o̱ ish ʋtokulikma̱, i̱ sʋnali ʋt im ishtimpakimma ya̱ hikkiashke.

⁷ Nan im ʋlhpisakmʋt, ʋnnumpah onuttula tuk ʋt im ai a̱hlashke; mikma̱ im ʋnnumpah ilbʋssha yʋt nan aiʋsshʋchika i̱ tubashke.

⁸ I̱ nittak ʋt kʋnomosashke; nan isht ai ʋtta yatuk a̱ inla yosh ishashke.

⁹ Im ʋlla ʋhleha hʋt ʋlhtakla yokma̱, tekchi ʋt i̱ hʋttak illi yashke.

¹⁰ Mikma̱ im ʋlla ʋhleha hʋt ittʋfullummit nan asilhhakmʋt, nan im aiokpulokʋt taha yak o̱ a kohchʋt na̱ hʋlbina yo̱ a hoyashke.

¹¹ Nan im a̱sha tuk moma ka̱ nan ahekʋchi ʋt ishashke, mikma̱ panah toksʋlit ʋhayuchi tuk a̱ hʋttak ik ithano ʋhleha hosh wehpulashke.

¹² I̱ hulloh immoma yʋt ik im iksho kashke, mikma̱ im ʋlla ʋlhtakla ʋhleha ha̱ i̱ kana yʋt iksho kashke.

¹³ Im ishtatiaka yʋt hukofa chi̱ hosh aiyashashke; isht ai unchululi et iaka̱ya ka̱ hohchifo hʋt musholit kʋniashke.

¹⁴ I̱ tikba ʋhlehah nan ik ʋlhpeso yʋmi̱hi̱chi tok ʋt Chihowa ha̱ anukfoiyukkakma̱, ishki nan ʋsshʋchi ʋt ik i̱ kʋshofo kashke.

¹⁵ Chihowa itikba ya̱ tʋkkohli na billiashke; mikma̱ isht ai ithaiyana ya̱ yakni a hukuffit kanchashke.

¹⁶ Yohmi ka̱ nan i̱ hullo yʋmihcha he ik anukfoiyukko hosh, amba hʋttak nan i̱ pʋlʋmmi, micha nan ik im iksho, micha chu̱kʋsh ilbʋssha aiena ka̱ ʋba chi̱ hosh ʋhlioa hatuk ak oke.

¹⁷ Mihmʋt ʋnnumpah chʋkapa ʋnumpuli kak osh im achukma hatuk oka̱, ilap a̱ onuttulʋshke; mihmʋt na̱ yokpali ya̱ ahni̱hi̱chi tuk keyu hoka̱, hupakichit ilap a̱ i̱ filʋmmishke.

¹⁸ Micha kʋlakshichi ya̱ i̱ na̱fohka chomihchit fohkakma̱, ilap anu̱kaka yak o̱ oka chohmit ant ʋlhtokmʋt bila chohmit foni putta ka̱ ʋlhtoh chatuk oka̱,

¹⁹ Na̱fohka fohkah chatuk ak o̱ im ittillawwashke, micha isht ʋskuffʋchi ya chi̱h mak o̱ isht ʋskuffaiyachi na billiashke.

²⁰ Ilʋppak osh a̱ sʋnali ʋhlehah, micha ʋmish shilombish a̱ i̱ sʋnalit nan ik achukmo ʋnumpuli ʋhleha ha̱ Chihowa a mintit isht im ʋlhtoba yoke.

²¹ Amba a̱ Shahli Chihowa ma, chishno ʋto chi hohchifo hatuk pullah mak o̱ is sa̱ kanashke; isht ish i̱ hullo ʋt achukma hokʋt, is sʋ hlakuffichashke.

²² Yohmi ka̱ ʋno ʋt ilbʋssha micha nan ik im iksho sia hosh, sʋ chu̱kʋsh sʋ foiyukka kʋt nʋhla hoka̱.

²³ Hushontika yʋt fʋlayʋt ma̱ha̱ya kak o̱ chohmit kʋnia lishke; ha̱wa yak o̱ chomihchit sʋ chʋffechi na kʋnia lishke.

²⁴ Okissa li kak osh saiyi̱kʋlaha yʋt fayokʋchih ma̱, sʋn nipi ʋt nia tuk ʋt tahʋt iʋshke.

²⁵ Mihma̱ ʋno yʋt oklah ik ʋhobalo tuba lishke; sʋ pesakmʋt, nushkobo ha̱ fahli hoke.

²⁶ Is si ʋpelashke, a̱ Chitokaka Chihowa ma; isht ish i̱ hullo pulla hatuk mak osh is si okchalinchashke.

²⁷ Yʋmohmi na ilʋppʋt chibbak atuk a̱, Chihowa ma, chishno ak osh ish yʋmihchi tuk a̱ oklah ithanashke.

²⁸ Yʋmmʋt kʋlakshichit ʋnumpulih kia, chishno ʋto ish yokpalashke; a̱ sʋnalit wʋkaya tuk ʋt hufahya hatuk o̱, chi tishu hʋto na̱ yokpashke.

²⁹ A̱ tʋnampi ʋhleha hʋt na̱ kʋlakshichi ishit foiyukkakmʋt, ilap ahufahya ya̱ anchi chomihchit anchashke.

³⁰ Chihowa ha̱ sʋtih ha̱ isht ayokpʋche lih fehnakmʋt, oklah lawa im a̱i itti̱takla ya̱ a hulittobliche la chi̱ hoke.

³¹ Imish shilombish a̱ ʋnnumpah onucchi ʋhlehah im ai ishit okchalincha chi̱ hosh, hʋttak nan ik im iksho im ishtimpakimma ya̱ hikkia he bano hoka̱.