Atʋloa 107 - Chahta Holisso Holitopa 1886

¹ Chihowa hʋt achukma hoka̱, yakoke hʋsh im a̱ha̱chashke; isht i̱ hullo yʋt abillia yoka̱.

^2-3 Chihowa hʋt hlʋkuffiche tuk, i̱ tʋnampi ibbak a̱ a kohchit hlʋkuffechi cha, yakni puttah, hʋshakucchaka micha hʋshaiokʋttula, fʋlʋmmih micha oka mahli aiena ka̱ a kohchit ittʋnahli tuk putta kʋt yʋmmak ash o̱ oklah achashke.

⁴ Yakni hayaka ya̱ chukushmi foka hina yo̱ yushobʋt ittʋnowʋt, ai asha hinla tʋmahah ik ʋhayocho kak osh,

⁵ Hohchʋfoh, itukshilah aiena hosh, imish shilombish ʋt im okhlilit kʋnniʋshke.

⁶ Yohmih mʋt ilbʋssha kak osh Chihowa ha̱ i̱ pa̱yah ma̱, im ai ʋtikkunofa hielih ma̱, yʋmma̱ a kohchichishke.

⁷ Mihmʋt ai asha he tʋmahah oklah ona chi̱ ho̱, hina ai ʋpissali yo̱ a nowʋchit isht ia hoke.

⁸ I̱ hullo, micha hʋttak im ʋlla ʋhleha ha̱ nan inlah fehna i̱ yʋmi̱hi̱chi aiena hoka̱, Chihowa ha̱ yakoke im a̱ha̱chashke.

⁹ Shilombish itukshila ya̱ fihoblikmʋt, shilombish hohchʋfo ya̱ nan achukma ho̱ ishit kaiyʋchi hoka̱.

¹⁰ Aiokhlileka micha ai illi okhlili a̱ha̱shwa hosh nan i̱ pʋllʋmmit tʋli ishit tʋllakchi kʋt,

¹¹ Chitokaka nan a̱ha̱chi tuk a̱ i̱ sʋnali cha, Chaha i̱ Shahli im anukfila ha̱ shittilemʋt kanchi kak o̱,

¹² Yohmi hoka̱ na̱ pʋlʋmmi onucchit chu̱kʋsh a̱ ʋkahchunnulechishke; ibetʋblit akka ittulah ma̱, ʋpela hi ʋt iksho ke tuk oke.

¹³ Yohmih ma̱ ilbʋssha kak osh Chihowa ha̱ i̱ pa̱yah ma̱, im ai ʋtikkunofa hielih ma̱, yʋmma̱ a kohchit hlʋkuffichishke.

¹⁴ Aiokhlileka micha ai illi okhlili aiena ka̱ a kohchechi cha, im ishit tʋllakchi putta ka̱ tʋptulishke.

¹⁵ Isht i̱ hullo, micha hʋttak im ʋlla ʋhleha ha̱ nan inlah fehna i̱ yʋmi̱hi̱chi aiena hoka̱, Chihowa ha̱ yakoke im a̱ha̱chashke.

¹⁶ Ʋsonak lakna okhisa putta ka̱ kubbʋffikmʋt, tʋli okfoʋtkʋchi ya̱ ittʋhukkuffi hoka̱.

¹⁷ Im anukfilah iksho ʋhleha hokʋto nan ʋlhpisa kubʋffit hikiki̱yah, micha nan ik ʋlhpeso yʋmi̱hi̱chi kak osh il ilbʋsshali hoke.

¹⁸ Ai illi okhisa ya̱ bili̱kasih fehnah ona kak osh, nan illimpa putta ka̱ imish shilombish ʋt i̱ yuwala hoke.

¹⁹ Yohmih mʋt ilbʋssha kak osh Chihowa ha̱ i̱ pa̱yah ma̱, im ai ʋtikkunofa putta ka̱ a kohchit okchalinchishke.

²⁰ Yohmi kʋt hlʋkuffechi cha, aiokpulokʋt taha chi̱ tuk a̱ a kohcha chi̱ hosh im ʋnnumpa ha̱ i̱ pila hoke.

²¹ Isht i̱ hullo, micha hʋttak im ʋlla ʋhleha ha̱ nan inlah fehna i̱ yʋmi̱hi̱chi aiena hoka̱, Chihowa ha̱ yakoke im a̱ha̱chashke.

²² Mikmʋt yakoke ahnit isht ayokpʋchi putta ka̱ isht ayokpachi cha, chitolit tʋloa hosh na̱ yʋmi̱hi̱chi tuk a̱ ʋnolashke.

²³ Peni huchito ʋlbehʋt okhʋtah chito ittʋnnowʋt, oka huchito ya̱ nan isht ai a̱ha̱shwa,

²⁴ Yʋmmak osh Chihowa nan ʋta̱ha̱hli ya̱, micha ahufobika ya̱ nan inlah fehna a yʋmi̱hi̱chi ka̱ pisa hoke.

²⁵ Yohmi ka̱ meha cha, mahlih kʋllo ikbi na, bʋnʋtkʋchi ya̱ chahʋchishke.

²⁶ Shutik pilah oklah oiya hoke, ahufobika ya̱ pit okʋttaha hoke; imish shilombish ʋt nan ik achukmo isht a kumuntʋt kʋnnia hoke.

²⁷ Hʋttak oka haksi yo̱ chohmit fayoka̱ha̱chikmʋt, im ahupoyuksa moma kʋt i̱ kʋnia hoke.

²⁸ Yohmih mʋt ilbʋssha kak osh Chihowa ha̱ i̱ pa̱yah ma̱, im ai ʋtikkunofa hielih ma̱, yʋmma̱ a kohchichishke.

²⁹ Mahlih kʋllo yatuk a̱ lohmʋt mahlechi na, oka bʋnʋtha yʋt chullosʋshke.

³⁰ Mihmʋt yukopʋt tʋllayah ma, na̱ yokpa hoke; mihma̱ ai ʋtaya onah bʋnna tuk a̱ isht onʋshke.

³¹ I̱ hullo, micha hʋttak im ʋlla ʋhleha ha̱ nan inlah fehna i̱ yʋmi̱hi̱chi aiena hoka̱, Chihowa ha̱ yakoke im a̱ha̱chashke.

³² Mikmʋt oklah ittʋnaha ai itti̱takla ya̱ chahʋchit ai ayokpʋchikmʋt, ʋssʋnonchi ʋhlehah ittʋfamʋt chieya ai itti̱takla ya̱ a hulittoblichashke.

³³ Oka a yʋnʋlli putta ka̱ chukushmi foka ikbikmʋt, kʋlih putta ka̱ yakni shila ikbit tʋlohli hoke.

³⁴ Yʋmma̱ aiyasha kʋt haksi hatuk pulla kak o̱, yakni nanah a waya achukma yatuk kia, yakni hʋpih humi ikbi hoke.

³⁵ Chukushmi foka ya̱ oka tʋloha ikbikmʋt, yakni shila yatuk a̱ kʋlih puttah ai ikbi tuk osh,

³⁶ Yʋmma̱ hʋttak hohchʋfo yatuk a̱ ai ʋshachi na, ai asha he tʋmahah ikbit tʋlali cha,

³⁷ Osapa putta ka̱ na̱ nihi fimmit hokchi cha, pa̱kkʋpi a hullokchi putta ka̱ hokchikmʋt, nan isht i̱ lawa chi̱ na̱ waya ya̱ ikbi hoke.

³⁸ Mikma̱ yokpali na, oklah apaknah fehnakma̱, i̱ nan ʋlhpoa ma̱ ik ʋlawechot isht im iah keyushke.

³⁹ Yohmi ka̱ inla yosh ilbʋsshali ho̱ nan ik achukmo, micha na̱ nukha̱klo aienah onuttula kak osh, ik alawwot akka fehna oklah ona tuk ak ʋttok oke.

⁴⁰ Huchitoka ya̱ Chihowa hʋt na̱ shittilema onucchi cha, ata̱ya iksho yakni hayaka yo̱ ai ittʋnowʋchi hoke.

⁴¹ Yohmih kia nan ik im iksho ya̱ na̱ pʋlʋmmi a kohchit achahaka binilechi cha, chukfʋlhpoa chomihchit chukkachʋffa lawachit im ikbi hoke.

⁴² Ai ʋpissali ʋhleha hʋt pesa cha, na̱ yokpashke; nan ik ʋlhpeso moma kʋt ilap itih ha̱ ʋkʋmmih pulla hi oka̱.

⁴³ Kʋta hosh hupoyuksa hoh choh? Yohmikmʋt nanah yakomi putta ka̱ ʋcchukmalit pesa cha, Chihowa hʋt i̱ hu̱hu̱llo ka̱ ʋkostininchashke.