Atʋloa 10 - Chahta Holisso Holitopa 1886

¹ Chihowa ma, nantihmi ho̱ hupakih ish hikkia cha, nan a pʋllʋmmih nittak a̱ ish ile luhmih choh?

² Hʋttak haksi ʋt ile fehnʋchi kak o̱, ilbʋssha yʋt i̱ pʋllʋmmishke: nan ik ʋlhpeso yʋmma̱ nan isht im anukfilli tuk ʋt ilap ak inli hosh isht a yukashke.

³ Hʋttak haksi ʋt ilap chu̱kʋsh nan ai ahni ka̱ isht ilawʋtakma̱, na̱ wehpuli ʋt Chihowa ha̱ ik ahninchot kanchi cha, shittilema hoka̱.

⁴ Hʋttak haksi ʋt ile fehnʋchi kak osh, Hoya he keyushkeh; a̱hlíh, Chitokaka yʋt ikshoshkeh, ahnit im anukfila ha̱ ʋluttoa hoke.

⁵ Ata̱ya putta kʋt kʋlloh bieka hoke; nan ish ai ʋpehi̱sa yʋt ai i̱ chahʋt ʋhʋllayah keyu hoke: i̱ tʋnʋp putta hokak heno o̱ kishu̱hu̱fa hoke.

⁶ Imi chu̱kʋsh anu̱kaka ya̱, “Sʋ kanʋlla he keyu hoke; isht ai unchululit ma̱ha̱ya ka̱ nan ik achukmo ai anu̱kaka hikkia siah keyu hokʋt,” a̱ha̱chishke.

⁷ Itih hʋt ʋnnumpah chʋkapa ʋnumpuli, haksichi, micha ilbʋsshali aiena hosh ʋluttoa hoke: isunlʋsh nuta ya̱ nan okpʋni micha nan ik ʋlhpeso yosh fo̱kka hoke.

⁸ Tʋmahushi puttah ai im ayicchi ya̱ binnili hoke; ai ʋloma̱ka putta ka̱ nan okpʋni keyu ka̱ ai a̱ha̱bi hoke; nishkin ʋt nan i̱ pʋlʋmmi ya̱ i̱ luma hoke.

⁹ Koi chito yosh ai ittola itto̱la kak o̱ chohmit ai ʋloma̱ka ya̱ ai im ayicchi hoke; ilbʋssha ya̱ hukla chi̱ hosh im ayicchi hoke; im ishit hukli ya̱ hʋlʋllit ilbʋssha ya̱ ishit hukli hoke.

¹⁰ Mikmʋt litoli na akkʋma hoke; mikma̱ imi lhampko yak o̱ nan i̱ pʋlʋmmi ʋhleha hʋt isht akkakoha hoke.

¹¹ “Chitokaka yʋt im ʋhaksi tuk oke; nʋsshuka ya̱ luhmi tuk oke; ik peso ho̱ billia chi̱ hoke,” imi chu̱kʋsh anu̱kaka a̱ha̱chi hoke.

¹² Wʋkayáh, Chihowa ma; Chitokaka ma, chibbak a ʋba welih; ilbʋssha ya̱ ik chim ʋhakso kashke.

¹³ Nantihmi ho̱ hʋttak haksi ʋt Chitokaka ya̱ shittilemah choh? “Nanah is sʋm a hoya he keyuh,” imi chu̱kʋsh anu̱ka̱ka achi kak oke.

¹⁴ Ish pi̱sah pullʋshke; chishno yokʋt nan okpʋni micha na̱ nukhubela ya̱ chibbak a̱ isht ish im ʋtobba chi̱h mak osh, ish pi̱sʋshke; chishno ak o̱ ilbʋssha yʋt chim ile fohki hoke; ʋlhtakla ya̱ ʋpela̱ha̱chi chia hoka̱.

¹⁵ Hʋttak haksi shakba ya̱ ish kubʋffashke; mikmʋt ik achukmo yʋno nan okpulo ya̱ im a hoyot ish taiyahli na, himakma̱ ish ʋhayucha he iksho kashke.

¹⁶ Chihowa hʋt mi̱ko billia cha billia yoke; i̱ yakni ya̱ oklushi putta kʋt a musholih pulla hi oke.

¹⁷ Chu̱kʋsh akka̱losi nan aiyahni ya̱ ish haiyakloh pulla hoke, Chihowa ma; chu̱kʋsh a̱ ish hlampkuchashke.

¹⁸ Ʋlhtakla micha ilbʋssha ya̱ ai ʋlhpesa ish im ʋpesa chi̱ kʋt, chi haksubish a̱ isht ish hʋponaklashke; yohmi na yakni a tuba hʋttak ʋt himakma̱ ik ilbʋsshalo kashke.