Atʋloa 1 - Chahta Holisso Holitopa 1886

¹ Hʋttak ik ʋlhpeso ʋhlehah im anukfila ha̱ a̱ya keyu, micha nan ʋsshʋchi ʋhlehah ai ittʋnowa ya̱ a hikkia keyu, micha na̱ shittilema ʋhlehah achiya ya̱ binnili keyu,

² Amba Chihowa i̱ nan ʋlhpisa yak osh ai im achukma, micha i̱ nan ʋlhpisa yak o̱ nittak micha ninak aiena ka̱ anukkfi̱hi̱lli yokʋt hʋttak na̱ yokpa yoke.

³ Yohmi kʋt iti yosh oka a yʋnʋlli ʋpota̱ka a hullukchi kʋt, ont ai ʋlhpiesakma̱ ʋnit wayakmʋt, hishi ʋt bʋsshih chatuk keyu kak o̱ chohmi hoke; micha nana ho̱ yʋmihchikma̱, yʋmmʋt momʋt im ai a̱hlih achukma yoke.

⁴ Hʋttak ik ʋlhpeso ʋhleha hokʋto yohmih keyu hoke; amba na̱ hakhlupish o̱ mahli hʋt helichit kanchi kak o̱ chohmi hoke.

⁵ Yʋmohmi hokʋt hʋttak ik ʋlhpeso ʋhleha hʋt nan ai ʋlhpiesa ai ʋpesa ya̱ hiela he keyuh, micha nan ʋsshʋchi ʋhleha hʋt ai ʋlhpiesa ʋhlehah ai ittʋnaha ka̱ ibʋlhkahʋt hiela he keyu hoke.

⁶ Chihowa hʋt ai ʋlhpiesa ʋhlehah ai ittʋnowa ya̱ ithaiyana hoka̱: amba hʋttak ik ʋlhpeso ʋhlehah ai ittʋnowa yokʋto aiokpuloka isht ona hi oke.