1 Hlessalonian 3 - Chahta Holisso Holitopa 1886

Timohli a̱ pit i̱ pila kʋt Tlessalonian a̱ i̱ hullo; micha nan ai ʋhlpiesa ho̱ okla yʋmohmi ka isht yukpa kʋt, otʋninchi hatok, 1; 10 ʋba isht anumpohonli, micha im ona hi a̱ ahni fehna aiena.

¹ Yʋmohmi hoka pi nuktaiyala he keyu kit taha mʋt, Ahlens a̱ pishno bano hosh il a̱shwa he ʋlhpesa il ahni tok.

² Micha Timohliʋs, pitibapishi, Chihowa nan isht im ʋtta, Klaist im ʋbanumpa a piba toksʋli, ʋt hʋchi ai yimmi ka ya̱ a hʋchi hlampkohonchit hʋchi hopohlʋla chi̱ ho̱, e pila tuk oke:

³ Yohmi na hatak kʋna kia nan ai ilbʋsha yakohmi ka isht ik a shanaiowo kashke; hʋchishno ak kia yakohma hi ʋt isht pim ʋlhpisa tok a̱ hʋsh ithanʋshke.

⁴ Hʋchi takla il a̱shwa mʋhli mʋt, nan isht ilbʋsha ya̱ e pisa hi ʋt tikbanli hʋchim anoli tok fehna kʋt ant ai yʋmohmi tuk a̱, hʋsh ithaiyanʋshke.

⁵ Yakohmi kak o̱ sa nuktaiyala he keyu kit taha mʋt, na nukpʋlichi ʋt kaniohmit haksichi tuk yoba ká, yohmi na e toksʋli tuk ʋt peh pilla ná, ahni li hosh, hʋchi ai yimmi ka akostininchi la chi̱ hosh pila li tuk oke.

⁶ Yʋmohmi tuk kia himak ʋno Timohliʋs ʋt hʋchi a kohchʋt pim ʋla cha, a hʋchi ai yimmi, micha hʋsh iti̱ hullo annoa achukma ka isht pim ʋla, mihma hʋsh pithaiyana a bilia, hʋchi pisa pi bʋnna ka, hʋchishno mʋt pi pisa hʋchi bʋnna fehna ak inli tuk a̱, e haklo tuk oke.

⁷ Yʋmohmi kʋt itibapishi li ʋhleha ma! a pilbʋsha putʋt nana kʋt pim atukonofa kia a hʋchi yimmi ka pulla kak o̱ isht pi a hopohla tuk oke.

⁸ Chitokaka ya̱ ibafoyuka kʋllot hʋsh hielikma, himak a̱ pi okcha̱ya mak okʋt.

⁹ Hʋchishno pulla kak o̱ pin Chihowa itikba ya̱ na yukpa puta isht pi aiyukpa kʋt, yak oke ahni katiohmi ho̱ hʋchishno pulla kak o̱ anonti Chihowa ya̱ il ima hinla̱?

¹⁰ Ninak, micha nitak moma anumpa ilbʋsha achunanchit il asihi̱hla kʋt, yʋmmʋt hʋchi nashuka ya̱ e pisa cha, na hʋchi yimmika yʋt nan ik ai ono ketuk a̱ il ai a̱hlicha he ak oke.

¹¹ Yohmi ka Chihowa ilap ʋt Pi̱ki, micha pin Chitokaka Chisʋs Klaist ʋt il atia chi̱ ka apissʋlichit pisht hʋchim onashke.

¹² Micha Chitokaka yʋt hʋsh it i̱ hullo ka i̱ shahlit isht ia, micha hatak moma hʋsh i̱ hullo ka i̱ shahlit isht ia, a chinto ka hʋchim ahnashke; pishno e hʋchi̱ hullo ka hʋsh chohmashke:

¹³ Yʋmohmi ho̱ pin Chitokaka Chisʋs Klaist ʋt ʋbanumpa yimmi puta pehliechit ʋlakma, nan ashʋchi ikshot, anumpa hʋchi onʋtula keyut, Chihowa, Pi̱ki mak o̱ itikba ya̱ hʋsh hiela hi o̱, mihi yosh hʋchi chu̱kʋsh a̱ hlampkohonchashke.