1 Chan 5 - Chahta Holisso Holitopa 1886

Kʋna hosh Chihowa ya̱ i̱ hullo kʋt i̱ nan ʋlhpisa ma holitobli cha yʋmma im ʋlla puta ka i̱ hullo hoke, 1; 7 nan atokowa yʋt tu china hosh ʋba ya̱ aiasha; 8 mikma tuchina makinli hosh aka ya̱ a̱sha; 9 Chihowa ushi Chisʋs ʋt pi okchalincha hinla kʋt im ʋlhpiesa.

¹ Kʋna hosh Chisʋs ʋt Klaist mak atuk a̱ yimmi hokʋto, Chihowa ak o̱ isht a toba mak oke; micha na tobachi tok ash i̱ hullo hokʋto, moma kʋt yʋmma isht a toba tok puta ma i̱ hullo ak inli hoke.

² Chihowa ya̱ il i̱ hullo, micha im anumpa ʋlhpisa aiena ka e holitobli hokmʋt, ilʋppak o̱ Chihowa im ʋlla ʋhleha ha̱ il i̱ hullo kʋt isht il akostininchi hoke.

³ Im anumpa ʋlhpisa ya̱ e holitobli ilʋppak osh Chihowa i̱ hullo mak oke; micha im anumpa ʋlhpisa yʋt a palʋmmi ka keyu hoke.

⁴ Kʋna hosh Chihowa yak o̱ isht a toba tuk okʋto, yakni a̱ imaiyachi hoke; micha yakni a̱ nan isht imaiyachi kʋt nana pi yimmi ka ilʋppak oke.

⁵ Kʋta hosh yakni a̱ imaiyachi̱ cho? amba Chisʋs ʋt Chihowa ya̱ Ushi a̱ yimmi kak o̱ banoshke.

⁶ Oka, micha issish aiena kak o̱ isht otʋnit a̱ya tok ʋt Chisʋs Klaist ilʋppak oke: oka yak o̱ illa keyu; amba oka, micha issish aiena tok. Mikma Shilombish ak osh ai a̱hli ka mak okʋt, Shilombish ak osh atokowa ka anoli hoke.

⁷ Tuchina hosh nan atokoli kʋto ʋba ya̱ a̱sha, I̱ki, micha Anumpa, mikmʋt Shilombish Holitopa aiena kak oke; mikmʋt tuchina ilʋppʋt achʋfa hoke.

⁸ Yohmikma tuchina hosh nan atokoli kʋt yakni a̱ a̱sha, Shilombish, micha oka, mikmʋt issish aienʋshke; mikmʋt tuchina ilʋppʋt ai it im achʋfa hoke.

⁹ Hatak osh nana atokoli ka pi yimmi chatuk ma, Chihowa hosh nana atokoli ho kak heto ai i̱ shahli fehna hoke. Chihowa yʋt nana ai atokoli Ushi ya̱ isht ai anohonli tok ilʋppak oke.

¹⁰ Kʋna hosh Chihowa Ushi ya̱ i̱ yimmi hokʋto, nan isht atokowa kʋt ilapo inlit anukfoyuka hoke: kʋna hosh Chihowa ya̱ ik i̱ yimmo hokʋto, Chihowa yʋt Ushi a̱ nan isht ai atokowa ka anoli tok a̱, ik yimmo hokʋt, yʋmma holabi hoke.

¹¹ Yohmi ka Chihowa yʋt ai okcha̱yʋt bilia ya̱ pim issa tok ilʋppak osh nan atokowa annoa mak oke; mikma ai okcha̱ya ilʋppʋt Ushi yak o̱ ai in takali hoke.

¹² Kʋna hosh Ushi ʋt anukfoyuka hokʋto, ai okcha̱ya ya̱ ishi hoke; mikma kʋna hosh Chihowa Ushi yʋt ik anukfoyuko hokʋto, aiokcha̱ya yʋt ik im ikshoshke.

¹³ Chihowa Ushi hohchifo ha̱ yimmi ʋhleha hʋchia hʋt ai okcha̱ya bilia yʋt hʋchin takanli kʋt hʋsh ithaiyana chi̱, mikmʋt Chihowa Ushi hohchifo ha̱ hʋchi yimma chi̱ aiena kak o̱ na yakohmi ka pit hʋchi̱ holissochi li hatuk oke.

¹⁴ Nana ka ilap nan ai ahni ka ya̱ pit ai ʋlhpesa ho̱ isht ai il im asilhhʋchi hokma, pi̱ haponaklo pulla ka ilʋppa pi yimmi hoke.

¹⁵ Micha nana ho̱ il im asilhha ka, pi̱ haponaklo ka il akostininchi hokmʋt, anonti nana ho̱ il im asilhha tuk ʋt, il eshi kʋt il akostininchi mak inlishke.

¹⁶ Hatak nana hosh itibapishi hʋt nan ashʋchi kʋt isht ai illa he keyu ho̱ isht ai ashʋchika pisa hokmʋt, yʋmmak ash ot asilhha na isht ai illa he keyu yo̱ isht ai ashʋchi tuk ʋhleha hash yʋmmʋt ai okcha̱ya ya̱ ima hi oke. Isht ai illa he ai ashʋchika yʋt takanlishke; yohmi hokʋno ʋba pit isht anumpula hi a̱ ak mihoshke.

¹⁷ Nana ai ʋlhpesa keyu ʋt aiashʋchika yo̱ banoshke; yohmi ka isht ai illa he keyu nan ai ashʋchika yʋt takanlishke.

¹⁸ Kʋna hosh Chihowa yak o̱ isht a toba tuk okʋto, ashahanchi keyu chatuk a̱ il ithanʋshke: amba Chihowa ak o̱ isht a toba tuk okʋto achukmalit il apesahanchi chatuk; yohmikma nan okpulo yʋmmak ash ot ik halelo chatuk oke.

¹⁹ Micha pishno ʋto Chihowa yak o̱ immi pia; mikma yakni moma kʋto ik ai ʋlhpeso banot talaia ka iloh ithanʋshke.

²⁰ Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.

²¹ Ʋlla chipunta ma! na holbʋt toba ya̱ hʋch ik ai ahalaio kashke. Amen.