Salmos 67 - Candoshi-Shapra

Tputs ztaru Apanllee ungirtachinllinaya, anoo kamankiya

Yasimpan tputs kitarpanpat yaseeyarusin anoo yandarangiya.

¹ Shiy Apaa, uru iyaa nayaniyarush, istangcha. Iyaa wanasiri napangcha.

² Ashkachush, tputs ztaru, Apanllee mangooneeni. Iyaa tapachindachtamparee, táchinlliniya.

³ Apaa, tsapurunas ztaru shiyaa ungirtachinllinpa. Shiyamun mang' kis shambatchinllinpa.

⁴ Tputs ztaru ichingurusin shiyamun mang' kis yaseeksin, zamangachinllinpa. Shiysha, Apaa, kurakish tputsee ichingarootssin ksutkush k'kuzee yaramapan taaksha. Tatsamooru tputsireetsish chinaksha.

⁵ Ashiri Apaa, tsapurunas ztaru shiyaa ungirtachinllinpa. Shiyamun mang' kis shambatchinllinpa.

⁶ Apanllirini iyaam kapung istarangu, na tsapurunasish waanaatsee kuk wanus pzapaneerangiya.

⁷ Apanll uru iyaa chinachiya. Tputs ztaru Apanllee chinachinllinpa. Mang' kis Apanllimun shambatchinllinpa.