Salmos 3 - Candoshi-Shapra

Dapiyarini, Ipari Absalon pcharundama, átu, suwayaru, Apanlleetssha; Istanda, tárangu anoo kamankiya

¹ Apaa, Nuw kundarari zapancha. Tputs zapan nuwaa kasimaam zandkanaya.

² Waanpatatin tsiyatkusin, ¿Apanll Dapiyaa tamaree istach? Istacheeja ndambaree, atanaya nuwaatsi.

³ Itaru shiysha Apaa, nuwaa kámanakush ksutakshawa. Nuwaa kasimaam istaksha, Uru mangeetsi tuwizpurtaksha.

⁴ Nuw shiyaa kuruzkuri, Apaa, istanda, tákchuri, Shiyshat Apaa, pangishish, Siyonash mach, nuwaa kuki mazinaksha. Nuwaa istaksha.

⁵ Ashirucha nuwshat nda punikuri, mapiyruri maaranguri, yusur chiyzayanll ashkina. Watam shiysha, Apaa, nuwaa ksutakshawa.

⁶ Kundarari zapantaa nuwaam pachamaam kuseersin, turipingaktaatsin, nuwsha nda punikina.

⁷ ¡Apaa, istanda! ¡Nuwaa tapachindangandama! watam shiyamun mangi tatkinawa. Kundarareesti tpazangcha. Tputsee nda arang pachamaam waneeyarush ksangcha. Tumuzee wanas kurumbatarich sheerush ksangcha.

⁸ Apaa, shiyamari tapachindampanish taaksha. Ashiri, tputsireetsish istangcha. Ksutangcha, Apaa. Dapiyarini Apanllee, Istangandama, átu, tárangiya