Salmos 137 - Candoshi-Shapra

Yuwash Israelchich tputs Babiloniyash tsap taarangsin, mang' kapung mantsarangana anoo kamankiya

¹ Babiloniyash tsap kungumun wing washunand kuxineeruni, Apanllingaz pang' mach Siyonangaz chinayaruni, tanuranginiya.

² Yasinamunsha wapzar kitararineetsini kayxuranguni, kasaranginiya.

³ Babiloniyashuchsha wasundurur, yuw iyaa putayarusin machirangsin, muchchureem ínarangana an iyaatssha: Natu, siy Siyonshuchis, Apanllireetsis yaseengints. Mangis kis yaseengints, iyaa táranganaya.

⁴ Itaru, iysha ¿nitaati nish tputsish watsapun Apanllee kis yasicheezini? Pinasakaniya.

^5-6 ¿Tamaree Irusarinaa mbizachini? Mbizakinaareeniya, shiysha Apaa, iyaa waneengcha. Kuweetsini mbutsunungich mayapshingcha, ayamtaati nda kitartamaama, misha neepureetsini tpatstangtamcha, ayamtaati nda mangini kis yasimaama.

⁷ Babiloniyashuch wasundurur Irusarinush pshturangusin, misha Edomshuchsha tputs pshturangitamsina. Iyaa natsaksin, Babiloniyashchee; Natu, pangoo ichingaru pátang pátang sheerus, ksangtsa, táranganaya. Ashiri shiysha Apaa, anoo mbizarinllpa. Izuuru Edomshuchee waneengcha, átana.

⁸ Mishat, siyaa Babiloniyashcheetsis, Apanll izuuru wanichiya. Kundararis siyash kuskatssin, siyaa watstamari kasichinllinaya. ¿Siy waninll iyaa kiyung yacharangsawa? Ashiri kundararis siyash kuskachusin, tatsamooru siyaatstam kiyung yachachtamsinaya.

⁹ Ipareetstamtis putayarusin, patumbchimun tpuw tpuw shimbayarusin, pachambeersin kasachinllinaya. Yungpari ashchinllinaya.