Salmos 126 - Candoshi-Shapra

Yuwapur Utaáchich tputs Babiloniyamand káyarusin, mang' ksaksin, Irusarinap kanapurangana, anoo nda mbizamaam apanllpan nee yaseesshee yandarangiya

Tputs Apanllip pang' naaksin, machip kárkatssin yaseeranganaya

¹ Apanll iyaa; Waptam Irusarinap kanapungints, tárangu, iysha, Pamazookpariniya, táranguni, mangini ksaranginiya.

² Mangini kizpur ksaranguni, siriptini kis yasiyastar ashiranganiya. Minshuchtisin tputs iyaa naparangsin; Apanllpari kapung istarangiya, táranganaya.

³ Zurkusin táranganaya. Apanll iyaa kizpur wanasiri istarangu, waana iyaam mangooz ksashish panarangiya. Ashirucha, mangini ksaranginiya.

⁴ Apaa, iyaa tsapuni kizpur wanasir yusur yánischingi, tsapunshi wanasir kxunamaama. Yusur sin sinakchu, ichinguru wanasir kxunchiya.

^5-6 Tputs kiyung kachiykusin, tanuktaatssin, mazarish tatsumirangana, anootssha mang' kissha pusachinlliniya. Mang' kis pusayarusin, yasimpatari pangup kanapchinllinaya.