Salmos 124 - Candoshi-Shapra

Tputs Apanllip pang' Siyonap machip kárkatssin yaseeranganaya. Dapiyarini wayasi.

¹ Iyaa Israelchicheetsini Apanll ndunnaari istarangu, iy ndunnaarpariniya. Anoo siy ichingarus yasaksa.

² Apanll iyashchee ndunnaari istarangu, kundararini iyaa tpachingayarinaapsinaya, kasaranganaya.

³ Iyaa kapung natsarangusin, izuurinaapari watstamari iyaa ashpaatsiritini kachingaranganaya.

⁴ Kung ashirinaapsinaya iyamun kushini zaw sheersin, izuuru iyaa arap kapeetaranganaya.

⁵ Kungushpaz imurish ashiruni iy yangaranginiya.

⁶ Ashiri, Apaa, Wappari, atiniya. Watam iyaa ndunnaari istarangush, kundararini izuurinaapari iyaa nutsini tachuwiyarusin, watsiyunpa kasaranganaya.

⁷ Itaru, shiy iyaa istarangush, xarashee kamungaranganiya. Maachi zamiz mirpanzee izicheeru, kamungtaru ashiruni, iy xarashee kamungaranganiya.

⁸ Apanll Taarashipani, yuw kanindaa tinarangu, mishat tsapootstam tinarangu, an iyaa tapachindarangiya. Ashiri Apanllimunari mangini tatkiniya.