Salmos 122 - Candoshi-Shapra

Tputs Apanllip pang' Siyonap machip kárkatssin yaseeranganaya. Dapiyarini wayassi.

¹ Tputs nuwaa, Natu, pzaya. Apanllip pang' naayani, atusin, nuw mangi kis, Ayu, pzaya, tárangina.

² Yakat Irusarinush pshtukamchuni; Na kuseenicha, mangini kis atiniya.

³ Iyaam Israelchicheemani shaniymaam Irusarinaa panguranganaya.

⁴ Sirútama Apanll iyashchee kamachtarangu, Uru shaniykus, nuwaa ungirtangtsa, tárangu, anush iysha Israelchichini ichingaruni shaniyeeruni, Apanllee ungirtakaniya.

⁵ Kurak Dapiyash pang' k'kuzee yaramaam shaniykanaya, tputsee itsinsaru istamaama.

⁶ Ashiri siysa, yuwis nish shaniykis anis, zurampatari mangiptis Apanllee tsiyatkus, Irusarinush uru mapiyshish taachpa. Apaa, shiy tputsirish uru nish kis taachinllinpa, tángcha.

⁷ Nimun tputs kisshapari tandapunuzish taachiya. Tputs izuurasha mapiyrsin kurakush pang' taachinllinpa. Undarar kasitpa, Apanllee tsiyatkus tángtsa.

⁸ Nuw nimun zuwanlleetsi, misha amikureetsi táchima; Na nimun mangis kisshapari mapiyrus taatssa.

⁹ Pangusimun yaanamuni Apanllirini pang' anumunari mapiyrus taangtsa, atina. Anuri chinangtsa, átana.