Salmos 100 - Candoshi-Shapra

Apanllimun shambateeni, watam Apanll urutamari tiptsiree chinaku taakuwa, anoo kamankiya

¹ Kayanu, ichingaruni ztaru Apanllee mangini kis yaseeyani.

² Ichinguruni Apanllee ungirtayani. Mangini kis Apanllish pang' pshtuyaruni yaseeyani.

³ Apanll taarashipancha anoo yasangtsa. Iyaa tinarangu, ichingurootsini wipaam ínarangiya. Ashiri iy na Apanllshatanicha tiptsiri taakiniya. Apanll iyaam opeejapaz ashiru ksutamapan taakiya. Iyaa uru ksutku taakiya.

⁴ Ashiri Apanllush pang' pshtuyaruni, mangini kis, Wapparee, Apaa, táyani. Apanllee yaseeyani, ungirtayani.

⁵ Watam shiysha Apaa kizpurshawa. Shiy kchinamishtishcha. Urutamari tputsee chinakush taaksha. Nlluranureetstam kasachtamtazish, ndambaree. Ashirucha, shiyaa, Apaa, Wapparee atiniya.