Salmos 1 - Candoshi-Shapra

Tputs Apanllee kisa tachitamaama anoo kamankiya

¹ Tputs Apanllimun mang' tatku, mapiyru kis taakiya. Yutaritshiship nda tachitkiya; Tputs Apanllee kuk tayutaritku, anpat nda kis ipunkiya. Apanllee zarungchaku anoo nda mazinakiya.

² Apanlleetsimari kuk payumaam chinakiya. Kaschiritam, psaantam uru Apanllee chinachintar ashkiya.

³ Yasin wanasirimash tamapari ashiru taamaam waritariya. Napa yasinaam kung nda pishtaku, kchitaru taaku, yuwash zar tatsamkachu, anush kis yusikiya. Warsha nda mawirukiya. Tputsshat Apanllimun wizpur ambitam ashkachu, kchitaru kis taakitamanaya.

⁴ Itaru, yashingchichsha tputs nda ashirusin taakanaya. Wayapureetspaz ashiru kambusur arap tpurangangpaz ashkiya.

⁵ Apanllshat anoo izuuru waneeship kapeetchiya. Amb ashkachu Apanllchichpat tputs ayamtaati nda washunand yapandchinlliniya.

⁶ Watam Apanll waanaatstamari tiptsir uru ksutkuwa. Itaru, tputs yashingup tachitkachu, waneeship naachiya.