গীতসংহিতা 93 - Chakma Bible

¹ লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

² পৌইল্যাত্তুন্ ধুরি তর্ সিংহাসনান্ দরমর; তুই উমরত্যে আগচ্।

³ ও লগেপ্রভু, বান পানিগানে গুজুরি উদের্, সে পানিগানে গুজুরি উদের্; ফুলি উঠ্যে তুবোলুন্ ভাঙদন্।

⁴ বান পানি গুজুরোনাত্তুন্, সাগর তুবোলত্তুন্ লগেপ্রভু খেমতাবলা, যিবে উগুরে আঘে।

⁵ তর্ বেক কধানি বিশ্বেজ্ গুরিবার; ও লগেপ্রভু, তর্ ঘরান সুদ্ধো-সাংগ গুরি উমরত্যে সাজেয়্যে।