গীতসংহিতা 8 - Chakma Bible

গান পরিচালগত্তে। দায়ূদোর গান।

¹ ও লগেপ্রভু, আমা গিরোজ্, গোদা দুনিয়েগানত্ রোইয়্যেদে তর্ মহিমার কধা; স্বর্গত্ তর্ মহিমা তুই থিদেবর্ গোজ্যস্।

² চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

³ মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

⁴ সেক্কে মনে গরং, মানুচ্ এমন্ কি যে, তুই সে পৌইদ্যেনে মাধা গামাচ্? মানজ্যর্ পুয়োগুনেয়ো বা কি, তুই তারান্দি মনযোগ্ দুয়োচ্?

⁵ তুই মান্‌‌জ্যরে স্বর্গ দূত্‌তুনোত্তুন্ এক্কেনা তলেন্দি বানেয়োচ্; রাজমুকুট ইজেবে তুই তারে দান গোজ্যস্ বাঈনী আর সর্মান।

⁶ তঅ আঢে বানেবার শাজন্ ভারান তুই তা আঢত্ দুয়োচ্ আর তা টেঙ তলাত্ রাগেয়োচ্ ইয়েনি বেক্কানি-

⁷ গোরু আর ভেড়া পাল আর পিত্‌‌থিমীর অন্য বেক্ য়েমানুন্,

⁸ আগাজত্ উড়ি বেড়েয়্যে পেক্কুন্, সাগরর মাছ আর সাগর-পদথ্ ঘুরি বেড়েয়্যে অন্য বেক্ প্রাণীগুন।

⁹ ও লগেপ্রভু, আমা গিরোজ্, সারা দুনিয়েত্ আগেদে তর্ মহিমাগান্।