গীতসংহিতা 58 - Chakma Bible

গান পরিচালগত্যে। সুর-“ভস্ত ন-গোজ্য।” দায়ূদোর এক্কো মিক্‌তাম।

¹ ও বিচেরক্কুন, তুমি যে অলর্ গুরি আঘ ইয়েন কি ন্যায়বিচের অর্? গমেডালে কি তুমি মানুচ্চুনোর বিচের গরর্?

² নয়, তমা মনত্ আগেদে অন্যেয় গুরিবার চিন্তে; বিচেরর্ পাল্লাবোলোই পিত্‌থিমীগানত্ তুমি অত্যেচার মাবি দুয়োর্।

³ জর্মত্তুন ধুরি পাজিগুনে ভান্ন্যেই পধেন্দি যান; যিগুনে মিজে কধা কন্, জর্মত্তুন ধুরি তারা বজং পধেদি থান্।

⁴ সাপ বিষো ধোক্ক্যেন তারার বিষ্‌ছানি; তারা যেন বহ্‌রা আজাব সাপ যে নিজো কানান্ ঢিবে দি রাগেয়্যে।

⁵ তে সাপ মন্ত্র-পোজ্যে সাপুড়েগুনোর রগুন ন-শুনে, সিবে যেদক্ কাবিদ্যাং সাপুড়ে অদ সাৎ।

⁶ ও গোজেন, তুই পাজিগুনোর দাত্‌তুন তারার মুয়ো ভিদিরে ভাঙি ফেলা; ও লগেপ্রভু, সেই দামারা সিংহগুনোর ধারেয়্যে দাত্‌তুন তুই ভাঙি ফেলা।

⁷ গঙার পানি ধোক্ক্যেন্ তারা মিলেই যান; তারার ধনুলোই টান দিয়্যে সেলর কট্টানি ভাঙি পোড়োক্।

⁸ শামুক যেধোক্ক্যেন্ যাদে যাদে অদাতৎ লুগি যান্ সেধোক্ক্যেন তারায়ো অদাতৎ লুগি যাদোক্; তারা যেন মা পেদত্ মরা পুঅ ধোক্ক্যেন অন্ যিগুনে পহর্ ন-দেগন।

⁹ তমা পিলেগুনোত্ আগুনো জিলান্ বাঁজিবার আগেদি শুগুনো আর নুয়ো কাব্যে দার্‌বোনি তে ঝড়ে উড়েই দিবো।

¹⁰ তারা উগুরে হেনা শুজো অলে গোজেন ভক্তগুনে হুজি অবাক্; তারা পাজিগুনোর লো-লোই টেং ধবাক্।

¹¹ সিয়েন দেগিনে মান্‌জ্যে কবাক্, “গোজেন ভক্তগুনোর্ জিংকানিত্ ঘেচ্ছেকগুরি বক্‌শিজ্ আঘে; ঘেচ্চেকগুরি এক্কো গোজেন আঘে যিবে পাজিগুনোরে পিত্‌থিমীত বাঁজি থাগদে বিচের গরে।”